1 Korinto 8:4 - Manobo Sarangani

⁴ Nayan, tepad te pegkaen te pengelapen imbegay diyà te inotaw, benal se inikagi niyo te kenà ontò timanem se egbegayan dan. Benal heman se inikagi niyo te olò sebad se Timanem.

1 Korinto 8:4 ပူးပေါင်းရင်းမြစ်များ

1 Timoteo 2:5

Olò sebad se Timanem, aw olò heman sebad se Telekagon diyà te tengà-tengà te Timanem aw otaw, aw yan si Jesu Cristo.

Efeso 4:6

Olò sebad se Timanem Amay te kedita tadon. Eglowan sikandin diyà te kedita tadon. Pengkey kenan kidon peg-ogpà, kidoen sikandin. Eg-ogpà sikandin diyà te kedita tadon.

Mar. 12:29

Minikagi si Jesus, “Seini se punù ontò melangkaw. ‘Kedita niyo menge bowad-bowad i Israel, penenalan kaw kanak. Sebad olò se Timanem, aw sikandin se Pengolo tadon.

Judas 1:25

Iduyun se Timanem. Sebad din se Timanem, aw migpelowà den sikandin kenitadon lekat te salà pineokit te Pengolo tadon si Jesu Cristo. Timanem se ontò mèpiya. Sikandin se ontò melangkaw. Sikandin se eglowan diyà te kedita. Sikandin se ontò metolos. Doen den sikandin gebii, aw songkani, aw te wedad temanan. Metoman iyan.

1 Korinto 8:10

Pengkey netegahan niyo se kebenalan, aw simpana komaen kaw te pengelapen imbegay doton te simbahan te inotaw, aw kitaen kaw te doma otaw wedà ontò ketaga-taga te kebenalan, yan se labi pa mekebegay kandin te eneg te peg-iling kenyo komaen, pengkey aneng-aneng din medaet iyan.

1 Korinto 8:1

Nayan, tomaba a te insà niyo tepad te pegkaen niyo te pengelapen imbegay diyà te inotaw egseligan te otaw kenà egsalig te Timanem. Ontò benal se inikagi niyo te netegahan te kedita tadon se kebenalan tepad te pegkaen te pengelapen imbegay diyà te inotaw. Meneng ikà niyo egkelibel kani. Aw meg-aneng-aneng kaw te netegahan niyo se kedita, yan se kelekatan te pegduyun niyo te kenyo pegkeotawun, meneng medaet iyan. Meneng aw megpedekelay kaw te pedowan, yan se kelekatan te pegpetebangay niyo tepad te pegtaking niyo te Pengolo tadon.

Ininang 19:26

Meneng kinità niyo den besi si Pablo, aw dinineg niyo heman se inikagi din. Wedad son din kekemowan te inotaw eg-inangen te otaw, so kenà ekon timanem. Medita se otaw nenenalan kandin, pengkey dini te Efeso aw doton heman te kedita te doma lonsod te Asya.

Ininang 14:15

“Ikà niyo egdogsò kenami. Kenà kay timanem, meneng otaw kay heman iling kenyo. Dimini kay amon megtoladà kay kenyo te kagi te Timanem, amon lomengà kaw te pegsalig diyà te kenà benal timanem aw somalig kaw diyà te Timanem wedad temanan din, so sikandin se mig-inang te langit, aw tanà, aw dagat, aw kedita heman niyan.

1 Timoteo 1:17

Iduyun tadon se Timanem eglowan te wedad temanan. Eked palos sikandin kematay, aw eked heman sikandin kitai. Sebad din se Timanem, aw segmanen aw iduyun sikandin te wedad temanan. Metoman iyan.

Ininang 15:20

Meneng mèpiya aw olò kidon somolat kandan aw megpunù kidon te eked dan kaen te pengelapen tapay imbegay diyà te inotaw, aw ayam-ayam egpelengen aw dipanog, aw eked dan heman peg-inabut te kenà kandan esawa.

1 Korinto 8:11

Aw yan se inangen niyo lekat te pegketaga-taga niyo te kebenalan, megkedaet se doma niyo, sìyan wedà ontò ketaga-taga te kebenalan, pengkey sikandin se kedowa niyo te pegpemenal, sìyan impelowà pineokit te pegkematay i Cristo.

Galasya 4:8

Na, kedengan te wedà niyo pa ketegahi se Timanem, neallang kaw te kenà benal timanem egtekingan niyo.