1 Korinto 7:9 - Manobo Sarangani

⁹ Meneng aw eked kaw peketameng te ibeg niyo, mèpiya aw mengognan kaw, so aw ontò se ibeg niyo mengognan, labi pa mèpiya aw mengognan kaw.

1 Korinto 7:9 ပူးပေါင်းရင်းမြစ်များ

1 Timoteo 5:14

Yan se doun te ibeg ko mengognan beling todà se kaling bayi balo, aw megbatà dan, aw meg-ipat dan te kandan pamilya, amon wedad isila te menge poon tadon tepad kenitadon egpemenal.

1 Korinto 7:2

Meneng aw mengognan se otaw, keilangan melobos se pedowan din diyà te esawa din amon eked keboyo te medaet.

1 Timoteo 5:11

Ikà egsolat te ngadan te kaling bayi balo diyà te lista te menge balo egtebangan niyo, so aw meibeg dan todà mengognan, lomengà dan te eg-inangen dan ki Cristo.

1 Korinto 7:28

Meneng aw mengognan kaw, kenà iyan salà. Se ibeg ko olò, eked kaw peden detengi te kelimahan egdateng diyà te menge otaw doen esawa.

1 Korinto 7:39

Eked kepakay aw somoway se bayi te esawa din singed aw matay se meama. Meneng aw matay se meama, mepakay aw todà mengognan se bayi balo, meneng keilangan egpemenal te Pengolo tadon se pengognanen din.

1 Korinto 7:36

Na, aw doen otaw kidoen kenyo doen batà din laga metesan den wedà din pepengognani, aw todà meg-aneng-aneng se amay te mèpiya aw doen esawa te batà din, mepakay aw tomanen din se ibeg din sìyan. Aw mengognan se batà din, kenà iyan salà.

Ininang 19:36

Wedad otaw mekeikagi te kebolalaw iyan. Yan kepenek kaw. Ikà niyo egkebook.

1 Tesalonika 4:4

Keilangan mèpiya se pegpengognan te teg sebad-sebad kenyo menge meama, aw kenà mekeyèyaay.