1 Korinto 7:7 - Manobo Sarangani

⁷ Pengkey ibeg ko meiling kaw peden kanak so wedad esawa ko, meneng netegahan ko te lekat te Timanem se mebatog inangen te teg sebad-sebad otaw.

1 Korinto 7:7 ပူးပေါင်းရင်းမြစ်များ

1 Korinto 9:5

Simpana doen esawa ko, mepakay aw ipetaking ko pengkey kenan a pesalo, so doen man esawa ipegpetaking te menge doma sogounun i Cristo, pengkey si Pedro aw menge kedowa i Jesus.

Roma 12:6

Yan, so medita se kemolò te kebiyasa imbegay te Timanem diyà te teg sebad-sebad kenitadon tandà te tabang din, keilangan gemiten tadon iyan amon megpetebangay kidon. Aw binegayan kaw te Timanem te kebiyasa te pegkeliwat te kagi te Timanem, keilangan komeliwat kaw te kebenalan insalig din kenyo.

1 Korinto 12:4

Pengkey medita se kemolò te ipegpemegay din diyà kenitadon, meneng olò sebad se egpemegay, aw yan se Espiritu Santo.

1 Korinto 7:8

Seini se kagi ko diyà te menge otaw wedà pengognan aw diyà te menge otaw balo. Mèpiya aw eked kaw pengognan iling kanak.

1 Korinto 12:11

Se kelekatan te kedita te kebiyasa sìyan, yan se Espiritu Santo, aw lekat te ibeg din egpemegay diyà te teg sebad-sebad kenitadon egpemenal.

Ininang 26:29

Minikagi si Pablo, “Pengkey menamay aw eked kenamay, ibeg ko meinang ka iling kanak, pengkey kedita niyo nenenalan kanak te aldaw seini. Meneng eked a keibeg aw geposen kaw heman iling kanak.”

1 Korinto 9:15

Meneng siaken, wedà a palos pemoyò lekat kenyo. Se tod ko te pegsolat ko kani, kenà amon megpetogpò a kenyo, so kenà niyan se ibeg ko. Wedad otaw meketodà te peg-eked ko te pegpenogpò niyo kanak.

Genesis 30:34

Minikagi si Laban, “Ee. Tomanen ko kamno se inikagi nikaw.”