1 Korinto 7:6 - Manobo Sarangani

⁶ Yan se inikagi ko kenyo kenà amon legesen ko sikiyo mengognan, meneng amon ketegahan niyo te mepakay diyà kanak aw mengognan kaw.

1 Korinto 7:6 ပူးပေါင်းရင်းမြစ်များ

2 Korinto 8:8

Eked ko sikiyo sogoi memegay. Meneng ibeg ko ipetaga-taga olò kenyo se keaseb te doma otaw nemegay, amon ketegahan ko aw benal doen dakel pedowan niyo.

1 Korinto 7:25

Nayan, tomaba a te insà niyo tepad te menge otaw wedà pengognan. Wedad punù ikeliwat ko kandan lekat te Pengolo tadon, meneng pineokit te keido din kanak, egkeseligan a, aw seini den se aneng-aneng ko.

1 Korinto 7:12

Doen pa ikegiyen ko diyà te doma otaw pengkey wedà ini keliwati lekat te Pengolo. Seini se punù ko kenyo. Eked sibwani te otaw egpemenal se esawa din kenà egpemenal meibeg megdoma kandin,

2 Korinto 11:17

Se ikegiyen ko seini tepad kanak, kenà iyan insogò te Pengolo, meneng iling a den te menge otaw wedad inenengen gayed egduyun te pegkeotawun dan.

1 Korinto 7:10

Seini se isogò ko diyà te kedita niyo doen esawa. Kenà lekat kanak se sogò seini, meneng lekat te Pengolo. Eked kepakay aw tomanan se bayi te esawa din.

1 Korinto 7:40

Meneng se aneng-aneng ko, labi pa besi meluba se balo aw eked todà pengognan. Aneng-aneng ko, Espiritu Santo se migtoladà kanak kenyan.