1 Korinto 7:40 - Manobo Sarangani

⁴⁰ Meneng se aneng-aneng ko, labi pa besi meluba se balo aw eked todà pengognan. Aneng-aneng ko, Espiritu Santo se migtoladà kanak kenyan.

1 Korinto 7:40 ပူးပေါင်းရင်းမြစ်များ

1 Tesalonika 4:8

Yan aw doen otaw eked tolò te punù sìyan, kenà otaw se egkuluwan din meneng egkuluwan din se Timanem nemegay kenyo te Espiritu Santo.

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.

1 Korinto 7:35

Eked a keibeg aw kelimahan kaw pineokit te inikagi ko, meneng ibeg ko megtabang a kenyo amon meg-inang kaw te mèpiya, aw tomaking kaw te Pengolo tadon te kedakel te pedowan niyo.

1 Korinto 7:8

Seini se kagi ko diyà te menge otaw wedà pengognan aw diyà te menge otaw balo. Mèpiya aw eked kaw pengognan iling kanak.

1 Korinto 7:6

Yan se inikagi ko kenyo kenà amon legesen ko sikiyo mengognan, meneng amon ketegahan niyo te mepakay diyà kanak aw mengognan kaw.

1 Korinto 7:1

Nayan, seini se meikagi ko tepad te insà insolat niyo kanak. Aw eked pengognan se otaw, mèpiya iyan.

2 Korinto 8:10

Na, pengkey eked ko sikiyo sogoi, meneng seini se aneng-aneng ko. Te monà omay, lekat te ibeg niyo se migtebò kaw migtipon te kwarta ibowang. Mèpiya aw tomanen niyo den se pegtipon kenyan.

2 Korinto 13:3

so ipetaga-taga ko kenyo te benal si Cristo se migsogò kanak te pegpelumun ko kenyo. Kenà sikandin melomay iling te otaw, meneng doen tolos din te megpelumun kenyo.