1 Korinto 7:30 - Manobo Sarangani

³⁰ Pengkey melidò kaw, pengkey meluba kaw, pengkey doen kedònan niyo aw wedad, aw den iyan, so sebad olò se egtekingan niyo.

1 Korinto 7:30 ပူးပေါင်းရင်းမြစ်များ

Juan 16:22

Iling kaw heman kenyan, so pengkey melidò kaw den, meneng todà kaw komità kanak. Todà heman meluba se pedowan niyo, aw wedad otaw mekeabat te keluba kidoen kenyo.

Luc. 6:25

“Mekelelayò kaw menge otaw doen den kelidoan niyo seini, so bellosen kaw. “Mekelelayò kaw egkebebayat seini, so doen aldaw domateng aw mepuluk kaw aw megkelag kaw.

Luc. 6:21

“Doen keluba te kedita niyo binallos seini, so mebesog kaw. “Doen keluba te kedita niyo nelidò seini, so sinelayen kaw te Timanem.

Impekità 18:7

So migpelangkaw-langkaw sikandin aw tinoman din se medaet ibeg din, yan heman se kebegat te pelumun domateng kandin, so elegen sikandin aw melano. Mig-aneng-aneng sikandin te iling sikandin te selotan, kenà iling te balo. Eden din aw eked palos sikandin kelano.

Impekità 7:17

so egtonggoan dan te Karniro tangkil te onsedanan te peglowan. Ibingen din dan doton te olo te wayeg mekebegay te kaling pedowan wedad temanan. Ebaten heman te Timanem se kedita te puluk dan.”

Luc. 16:25

Meneng minikagi si Abraham, ‘Atò, eneng-enengi ini. Te wedà ka pa kematay, wedad palos lidò no so dakel se kedònan no mèpiya, meneng gayed doen kelimahan i Lazaro. Nayan, ontò den sikandin neluba dini, aw sikona den se ineleg kidoen.

1 Korinto 7:29

Menge kedowa ko, ibeg ko ketegahan niyo ini. Agpet den se aldaw te peglikò te Pengolo tadon. Yan lekat seini, pengkey doen esawa niyo, ikà niyo eglengà te pegtaking niyo te Timanem.

1 Korinto 7:31

Pengkey eg-ogpà kaw dini te keneyonan, meneng ikà niyo eglengà te pegtaking niyo ki Cristo amon gayed kaw meketoman te ibeg te Timanem, so megkewedad se keneyonan seini te eked den kenamay.