1 Korinto 7:25 - Manobo Sarangani

²⁵ Nayan, tomaba a te insà niyo tepad te menge otaw wedà pengognan. Wedad punù ikeliwat ko kandan lekat te Pengolo tadon, meneng pineokit te keido din kanak, egkeseligan a, aw seini den se aneng-aneng ko.

1 Korinto 7:25 ပူးပေါင်းရင်းမြစ်များ

1 Korinto 7:6

Yan se inikagi ko kenyo kenà amon legesen ko sikiyo mengognan, meneng amon ketegahan niyo te mepakay diyà kanak aw mengognan kaw.

1 Korinto 4:2

So sikami se otaw sineligan din kenyan, keilangan tomolò kay te simogò kenami.

1 Korinto 7:40

Meneng se aneng-aneng ko, labi pa besi meluba se balo aw eked todà pengognan. Aneng-aneng ko, Espiritu Santo se migtoladà kanak kenyan.

1 Korinto 7:12

Doen pa ikegiyen ko diyà te doma otaw pengkey wedà ini keliwati lekat te Pengolo. Seini se punù ko kenyo. Eked sibwani te otaw egpemenal se esawa din kenà egpemenal meibeg megdoma kandin,

2 Korinto 11:17

Se ikegiyen ko seini tepad kanak, kenà iyan insogò te Pengolo, meneng iling a den te menge otaw wedad inenengen gayed egduyun te pegkeotawun dan.

2 Korinto 2:17

Kenà a iling te menge doma otaw egtoladà te kagi te Timanem amon mengewarta. Meneng insogò a te Timanem, aw netegahan din te nelobos se pedowan ko te pegtoladà te Mèpiya Indan tepad ki Cristo.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

1 Korinto 7:34

so egketengà se ibeg din. Iling heman kenyan se bayi, so se laga, mebatog din tiboken se pedowan din diyà te ibeg te Pengolo tadon, amon melinis se lawa din aw aneng-aneng din. Meneng se bayi doen esawa, yan se gayed din eneng-enengen se ibeg te esawa din amon meluba se esawa din kandin.

1 Korinto 7:28

Meneng aw mengognan kaw, kenà iyan salà. Se ibeg ko olò, eked kaw peden detengi te kelimahan egdateng diyà te menge otaw doen esawa.

1 Korinto 7:10

Seini se isogò ko diyà te kedita niyo doen esawa. Kenà lekat kanak se sogò seini, meneng lekat te Pengolo. Eked kepakay aw tomanan se bayi te esawa din.