1 Korinto 7:22 - Manobo Sarangani

²² Pengkey allang kaw pa, meneng iling kaw den te kenà allang, so impelowà kaw te Pengolo lekat te salà. Aw sikiyo kenà allang te pegtawal te Timanem kenyo, neinang kaw den iling te allang, so tinig-apò kaw den i Cristo.

1 Korinto 7:22 ပူးပေါင်းရင်းမြစ်များ

1 Pedro 2:16

Mepakay aw memallì kaw den aw eden se inangen niyo, meneng ikà niyo eg-aneng-aneng te mepakay aw memallì kaw meg-inang te medaet, so keilangan metòlid se eg-inangen niyo, amon ipetaga-taga niyo te egtolò kaw den te Timanem.

Filemon 1:16

Lekat seini kenà den sikandin olò allang no, meneng labi den sikandin meelagà diyà te allang, so kedowa no den sikandin tandà te pegpemenal din ki Cristo. Ontò sikandin meelagà kanak, meneng labi pa meelagà kamno, kenà olò so allang no sikandin, meneng meelagà so kedowa no den sikandin tandà te pegpemenal din te Pengolo tadon.

Galasya 5:13

Menge kedowa ko, tinawal kaw te Timanem amon ipelowà kaw din lekat te pegtolò niyo te punù sìyan. Pengkey wedà kaw den keallang kenyan, meneng ikà niyo den eg-aneng-aneng te mepakay aw tomaking kaw te medaet ibeg te pedowan niyo. Meneng pedekelay kaw te pedowan, aw petebangay kaw.

Galasya 5:1

Wedà kidon den keallang te punù ingkeliwat i Moises, so impelowà kidon den i Cristo lekat kidoen. Ikà niyo egkelibel kenyan. Ikà niyo heman todà egpeallang.

Judas 1:1

Se solat seini lekat kanak si Judas, kedowa i Santiago, aw sineligan i Jesu Cristo. Seini se solat ko te kedita niyo tinawal te Timanem. Egkedekelan kaw te Timanem Amay tadon te pedowan, aw eg-ipaten kaw i Jesu Cristo.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

Kolasas 4:12

Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.

Galasya 1:10

Ikà niyo eg-aneng-aneng te ibeg ko iduyun a te doma otaw, meneng ibeg ko Timanem se domuyun kanak. Ikà niyo eg-aneng-aneng te ibeg ko meluba se doma otaw kanak, so aw yan se ibeg ko, eked a pegsagda te pegtoladà dan te kebolalaw. Meneng migsagda a den kandan so sogounun a i Cristo.

1 Korinto 9:19

Pengkey mepakay aw memallì a peden te inangen ko, aw wedad otaw mekeleges kanak, meneng migpeinang a iling te allang megtabang te kedita te otaw, amon pineokit kanak, medita se otaw memenal ki Cristo.

Roma 1:1

Siak si Pablo se simolat kani. Sineligan a i Jesu Cristo. Pinemallì a din amon inangen a sebad sogounun din megtoladà te Mèpiya Indan te Timanem tepad ki Cristo.

1 Korinto 7:21

Aw allang kaw te pegtawal te Timanem kenyo, wedad beloyan. Meneng aw ibeg te tig-apò megpelowà kenyo, lowà kaw.

1 Korinto 9:21

Aw menge otaw kenà Judiyo se toledaan ko, tomaking a heman kandan te eked tolò te punù ingkeliwat i Moises, amon memenal heman se menge otaw kenà Judiyo ki Cristo. Meneng kenà te linèpangan ko se punù te Timanem, meneng se kebenalan, timolò a man ki Cristo.