1 Korinto 7:21 - Manobo Sarangani

²¹ Aw allang kaw te pegtawal te Timanem kenyo, wedad beloyan. Meneng aw ibeg te tig-apò megpelowà kenyo, lowà kaw.

1 Korinto 7:21 ပူးပေါင်းရင်းမြစ်များ

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

1 Korinto 12:13

So se kedita tadon, pengkey Judiyo aw kenà Judiyo, aw pengkey allang aw kenà allang, meneng binonyagan se kedita tadon pineokit te Espiritu Santo amon meinang kidon sebad lawa, aw binegayan se kedita tadon te Espiritu Santo meg-ogpà diyà te pedowan tadon.

Luc. 12:29

Ikà niyo egketetana tepad te kànen niyo aw inemen niyo. Ikà niyo heman egdowa-dowa.

1 Pedro 5:7

Pengkey eden se ketetana niyo, salig kaw gayed diyà kandin, so sikandin se eg-ipat kenyo.

Menge Hebreo 13:5

Ikà niyo egpengewarta. Keilangan meluba kaw te kedònan neabat niyo, so minikagi se Timanem, “Eked a palos tanan kenyo. Eked a palos lowat kenyo.”

Filipos 4:11

Ikà niyo eg-aneng-aneng te migbelisì a tandà te kelimahan ko, so netegahan ko den te pengkey eden se domateng kanak, gayed mèpiya se pedowan ko.

Filipos 4:6

Pengkey eden se domateng kenyo, ikà niyo palos egketetana. Meneng pegtawal-tawal kaw tepad te kedita diyà te Timanem. Pemoyoi niyo diyà kandin se kedita te kelidoan niyo. Pegpesiontong kaw heman kenyan diyà kandin.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

Luc. 21:34

“Peg-ahà kaw amon meketagad kaw te aldaw sìyan. Eked kaw peketagad aw egpengemahà kaw te keluba, aw eg-inem kaw, aw gayed kaw eg-aneng-aneng tepad te peg-ogpà niyo, so metoman domateng se aldaw sìyan pengkey eked kaw peketagad.

1 Korinto 7:20

Mèpiya aw tomayod se teg sebad-sebad kenitadon kidoen te keogpà te pegpenenalan tadon te tawal te Timanem.

1 Korinto 7:22

Pengkey allang kaw pa, meneng iling kaw den te kenà allang, so impelowà kaw te Pengolo lekat te salà. Aw sikiyo kenà allang te pegtawal te Timanem kenyo, neinang kaw den iling te allang, so tinig-apò kaw den i Cristo.