1 Korinto 7:2 - Manobo Sarangani

² Meneng aw mengognan se otaw, keilangan melobos se pedowan din diyà te esawa din amon eked keboyo te medaet.

1 Korinto 7:2 ပူးပေါင်းရင်းမြစ်များ

Efeso 5:28

Iling heman kenyan, keilangan dakel se pedowan te meama diyà te esawa din, iling te aneng-aneng din tepad te kandin lawa. Yan aw dakel se pedowan te meama diyà te esawa din, iling te dakel se pedowan din diyà te kandin pegkeotawun,

Efeso 5:33

Meneng ibeg ko ketegahan niyo te keilangan dakel se pedowan te teg sebad-sebad meama te esawa din, iling te aneng-aneng din tepad te kandin pegkeotawun. Keilangan megsagman heman se bayi te kandin esawa.

1 Korinto 7:9

Meneng aw eked kaw peketameng te ibeg niyo, mèpiya aw mengognan kaw, so aw ontò se ibeg niyo mengognan, labi pa mèpiya aw mengognan kaw.

1 Korinto 6:18

Ikà niyo eg-inabut te kenà kenyo esawa. Se lawa, wedad labut te kedita te doma salà, meneng se otaw eglayok te kenà kandin esawa, mekesalà sikandin pineokit te lawa din.

1 Timoteo 4:3

Megtoladà dan te eked kepakay aw mengognan se otaw. Megtoladà dan heman te doen kànen eked kepakay kànen. Meneng ininang te Timanem se kànen sìyan, aw penga te pegpesiontong tadon kandin, mepakay iyan kànen te kedita te otaw simalig diyà kandin aw netaga-taga den te kebenalan.

Mat. 5:32

Meneng mikagi a den diyà kenyo, aw somibwan se meama te esawa din wedà peglakad, medaet se inangen te meama sìyan, so pineokit kandin mekelakad se esawa din aw todà mengognan, aw mekelakad heman se meama mengognan te bayi sinibwanan.”

1 Korinto 7:1

Nayan, seini se meikagi ko tepad te insà insolat niyo kanak. Aw eked pengognan se otaw, mèpiya iyan.

1 Korinto 7:3

Se meama, keilangan mengimanday te esawa din. Se bayi heman, keilangan mengimanday te esawa din.

1 Tesalonika 4:4

Keilangan mèpiya se pegpengognan te teg sebad-sebad kenyo menge meama, aw kenà mekeyèyaay.