1 Korinto 7:17 - Manobo Sarangani

¹⁷ Keilangan tomaking se teg sebad-sebad kenitadon te ibeg te Pengolo tadon, aw tomayod kidon heman te keogpà te pegpenenalan tadon te tawal te Timanem. Yan se ipegpunù ko diyà te kedita te otaw egpemenal.

1 Korinto 7:17 ပူးပေါင်းရင်းမြစ်များ

1 Korinto 4:17

Yan insogò ko si Timoteo doton kenyo. Iling sikandin te batà ko egkedekelan ko te pedowan, aw egkeseligan sikandin te pegtaking din te Pengolo tadon. Ipeaneng-aneng kaw din te eg-inangen ko te pegtaking ko ki Jesu Cristo, aw yan se ipegtoladà ko doton te kedita te simbahan pengkey kenan a pesalo.

1 Korinto 7:24

Yan menge kedowa ko, keilangan megpedeleg se teg sebad-sebad kenyo te pegsebad niyo diyà te Timanem iling te keogpà niyo te pegpenenalan niyo te tawal te Timanem.

2 Korinto 8:18

Ipetaking ko ki Tito se sebad kedowa tadon egpemenal. Nedengeg sikandin diyà te kedita te otaw nemenal ki Cristo, so biyasa sikandin egtoladà te Mèpiya Indan tepad ki Cristo.

2 Korinto 11:28

Doen heman medita doma kelimahan neokitan ko, meneng eked ko den indani. Te kelikit te aldaw, gayed pa doen ketetana ko tepad te doma tadon nemenal ki Cristo doton te teg sebad-sebad lonsod.

1 Korinto 7:18

Aw netolì den se meama te wedà pa ketawal te Timanem, keilangan eked sikandin keyàyà te netolì sikandin. Aw wedà pa sikandin ketolì, kenà den keilangan tolien sikandin.

1 Korinto 7:7

Pengkey ibeg ko meiling kaw peden kanak so wedad esawa ko, meneng netegahan ko te lekat te Timanem se mebatog inangen te teg sebad-sebad otaw.

1 Korinto 14:33

so kenà lekat te Timanem se belisì, meneng sikandin se kelekatan te kelinaw te pedowan. Iling te ketanem te kedita te sakop te Timanem egsimba doton te teg sebad-sebad lonsod,

Mat. 19:12

Medita se kemolò te otaw eked palos pengognan. Doen otaw eked pegbatà so kolang lekat te pegtebaw dan. Doen heman eked pengognan so tinelinan dan. Doen heman eked pengognan amon wedad mekeanggà te pegtoladà dan tepad te peglowan te Timanem. Aw pinemallì kaw te Timanem amon eked kaw palos pengognan, keilangan tomolò kaw kandin.”

1 Korinto 16:1

Nayan, tepad te kwarta ibegay niyo itabang te menge kedowa tadon sakop te Timanem doton te Jerusalem, taking kaw heman te impunù ko diyà te menge otaw egsimba doton te probinsya te Galasya.

1 Korinto 10:32

Keilangan mèpiya se kedita te eg-inangen niyo amon eked pegkedaet se pedowan te doma otaw, pengkey Judiyo aw kenà Judiyo, pengkey otaw egpemenal te Timanem.

1 Korinto 11:16

Aw doen otaw eked pemenal te inikagi ko tepad te pegtedong te bayi te olo, seini se itaba ko kandin te yan se ipegtoladà day, aw egtekingan iyan te kedita te otaw egpemenal te Timanem pengkey kenan.

1 Korinto 11:34

Aw doen otaw eked peketagad te doma otaw, mèpiya aw komaen sikandin doton te kandin balay, amon eked kaw pelumuni te Timanem kidoen te kenyo pegtipon. Na, se doma insà niyo kanak, yan se tebahen ko aw domateng a kidoen kenyo.

Galasya 1:22

Yan se doun te wedà kilala kanak se kedita te otaw nemenal ki Cristo doton te Judiya, so wedà a dan lumun kitai.

1 Tesalonika 2:14

Menge kedowa day, neinang kaw den iling te menge sakop te Timanem egpemenal ki Jesu Cristo doton te Judiya. Pinemilang dan te menge doma dan Judiyo, aw iling kaw kandan so pinemilang kaw heman te menge doma niyo kenà Judiyo.

2 Tesalonika 1:4

Yan se doun te sikiyo se ipegduyun day te peglaoy day te menge doma otaw egpemenal doton te menge doma lonsod, so eg-indan kay kandan te gayed kaw egpemenal te Timanem pengkey ontò kaw egpemilangen aw egkelimahan.