1 Korinto 7:10 - Manobo Sarangani

¹⁰ Seini se isogò ko diyà te kedita niyo doen esawa. Kenà lekat kanak se sogò seini, meneng lekat te Pengolo. Eked kepakay aw tomanan se bayi te esawa din.

1 Korinto 7:10 ပူးပေါင်းရင်းမြစ်များ

Mat. 5:32

Meneng mikagi a den diyà kenyo, aw somibwan se meama te esawa din wedà peglakad, medaet se inangen te meama sìyan, so pineokit kandin mekelakad se esawa din aw todà mengognan, aw mekelakad heman se meama mengognan te bayi sinibwanan.”

Luc. 16:18

“Aw somibwan se meama te esawa din, aw mengognan diyà te doma bayi, mekelakad sikandin. Aw mengognan se otaw diyà te bayi sinibwanan te esawa din, mekelakad heman sikandin.”

1 Korinto 7:15

Meneng se otaw kenà egpemenal, aw ibeg din tomanan te esawa din egpemenal, mepakay iyan. Eked pegtameng se otaw egpemenal, so ibeg te Timanem eked kidon pegleges te doma.

1 Korinto 7:12

Doen pa ikegiyen ko diyà te doma otaw pengkey wedà ini keliwati lekat te Pengolo. Seini se punù ko kenyo. Eked sibwani te otaw egpemenal se esawa din kenà egpemenal meibeg megdoma kandin,

1 Korinto 7:25

Nayan, tomaba a te insà niyo tepad te menge otaw wedà pengognan. Wedad punù ikeliwat ko kandan lekat te Pengolo tadon, meneng pineokit te keido din kanak, egkeseligan a, aw seini den se aneng-aneng ko.

1 Korinto 7:6

Yan se inikagi ko kenyo kenà amon legesen ko sikiyo mengognan, meneng amon ketegahan niyo te mepakay diyà kanak aw mengognan kaw.

1 Korinto 7:40

Meneng se aneng-aneng ko, labi pa besi meluba se balo aw eked todà pengognan. Aneng-aneng ko, Espiritu Santo se migtoladà kanak kenyan.

Mar. 10:2

Doen menge Parisiyo nengemahà te kemalì diyà te pegtoladà i Jesus amon doen idimanda dan tepad kandin. Dimoton dan kandin aw minikagi dan, “Mepakay lay aw somibwan se otaw te esawa din?”

1 Korinto 7:11

Meneng aw somoway sikandin te esawa din, keilangan eked pengognan diyà te doma meama, meneng mèpiya aw molì heman todà doton te kandin esawa. Eked heman kepakay aw somibwan se meama te esawa din.