1 Korinto 6:6 - Manobo Sarangani

⁶ Meneng pengkey egpemenal kaw, egpeibingay kaw ekon doton te howis, aw labi pa iyan medaet so otaw kenà egpemenal se eg-osay kenyo.

1 Korinto 6:6 ပူးပေါင်းရင်းမြစ်များ

2 Korinto 6:14

Ikà niyo egdoma te menge otaw kenà egpemenal, so eked pegpedomaay se otaw diyà te kelowahan aw otaw diyà te kengitngitan. Eked heman pegpedomaay se otaw eg-inang te metòlid aw otaw kenà eg-inang te metòlid.

1 Korinto 6:7

Kolang se eg-inangen niyo, so egpeibingay kaw doton te howis. Labi pa mèpiya aw kelibelan niyo se pegtindaet aw peglimbong kenyo.

1 Korinto 6:1

Na, aw doen menge sakop te Timanem doton kenyo egpedindilay, ibeg dan ekon osayan te otaw kenà sakop te Timanem. Meneng eked iyan kepakay. Mèpiya aw osayan dan te menge sakop te Timanem.

Ininang 7:26

Keeldawan niyan, netelaan din se didowa Judiyo migbolaw. Migtelaman si Moises mig-osay kandan. Minikagi sikandin, ‘Elew, telekedowa kaw. Ikà niyo egbolaw.’

Genesis 45:24

Penga niyan, minikagi si Jose diyà te menge kedowa din, “Ikà niyo egbolaw diyà te dalan.” Yan impekesayo din dan.

2 Korinto 6:15

Wedad pegsebad te pedowan i Cristo aw si Satanas. Eked heman kepakay aw megsebad se pedowan te otaw nemenal aw otaw kenà egpemenal.

1 Timoteo 5:8

Aw doen otaw egpemenal kenà egpenogpò te kandin pamilya, labi pa aw kenà egpenogpò te otaw eg-ogpà diyà te kandin balay, yan se otaw timinàyog te kebenalan tapay pinemenalan din, aw labi pa medaet se ketanem din diyà te ketanem te otaw kenà egpemenal.