1 Korinto 6:3 - Manobo Sarangani

³ Netegahan niyo den besi te okomen tadon kwani se menge anghil. Yan se doun te mepakay kaw heman meg-osay tepad te keogpà niyo dini te keneyonan.

1 Korinto 6:3 ပူးပေါင်းရင်းမြစ်များ

Judas 1:6

Gebii doen heman menge anghil wedà tolò te Timanem, aw timanan dan te kandan ogpeanan. Tandà te peg-inang dan te medaet sìyan, impegapos din dan te sengkalì eked palos kelebad, aw impetagad din dan doton te kengitngitan lamig domateng se aldaw te peg-okom din kandan.

Mat. 25:41

“Penga niyan, mikagi a heman diyà te menge otaw lenged te bibang ko, ‘Ontò kaw ipelumun. Kesayo kaw den lekat kanak. Doton kaw den te kilot doen apoy eked palos kepadeng, so yan se integilan te Timanem amon doen egbelan din ki Satanas aw kedita te anghil din.

1 Korinto 6:4

Meneng aw doen dindil doton kenyo, egpeibingay kaw ekon doton te otaw kenà egpemenal amon osayan kaw dan.

Luc. 8:14

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong dan, so dàgen dan te ibeg dan megkeyaman, aw ibeg dan te keluba te keneyonan, aw doma ibeg te pedowan dan.

Luc. 21:34

“Peg-ahà kaw amon meketagad kaw te aldaw sìyan. Eked kaw peketagad aw egpengemahà kaw te keluba, aw eg-inem kaw, aw gayed kaw eg-aneng-aneng tepad te peg-ogpà niyo, so metoman domateng se aldaw sìyan pengkey eked kaw peketagad.

2 Timoteo 4:10

Tinenanan a den i Demas, so ibeg din se keluba te keneyonan seini. Dimoton sikandin te Tesalonika. Kenan si Cresente, dimoton sikandin te Galasya. Kenan si Tito, dimoton sikandin te Dalmasya.

2 Timoteo 2:4

Aw meinang se otaw sondalo, eked kepakay aw mebuyung sikandin te terbaho te otaw kenà sondalo, so keilangan toloen din se pengolo din amon meluba sikandin.

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

Roma 6:16

Netegahan niyo den, aw megpeallang kaw diyà te doma otaw, keilangan tomolò kaw kandin. Iling heman kenyan, aw meallang se otaw diyà te salà, detengan sikandin te kemetayun wedad temanan. Meneng aw tomolò se otaw te Timanem, eneng-enengen te Timanem te metòlid sikandin.

1 Korinto 6:15

Netegahan niyo den te iling te ogpo lawa i Cristo se lawa niyo. Yan aw migsebad kaw den ki Cristo, eked kepakay aw ipedoma niyo se lawa niyo diyà te lawa te kepoyun. Ontò iyan eked kepakay.

1 Korinto 6:16

Netegahan niyo den heman, aw lomayok se otaw te kepoyun, yan meinang sebad se lawa dan, so doen kagi te Timanem tapay insolat, “Megsebad se lawa te dowa otaw sìyan.”

1 Korinto 6:19

Nelibelan niyo den besi ini. Se lawa niyo, yan se eg-ogpaan te Espiritu Santo imbegay te Timanem kenyo, aw kidoen lamig songkani. Yan se doun te kenà kenyo se lawa niyo, meneng Timanem se tig-apò kenyan,