1 Korinto 5:7 - Manobo Sarangani

⁷ Tenani niyo se peg-inang te salà amon mekeiling kaw te pan wedad yist eg-inangen te menge Judiyo te pista te pegpengaen dan te pan kenà eglebag aw pegpengiyaw dan te karniro. Iling kaw den te pan wedad yist, aw si Cristo se iling te karniro, so inimetayan sikandin amon ipelowà kidon din lekat te salà.

1 Korinto 5:7 ပူးပေါင်းရင်းမြစ်များ

Efeso 4:22

Yan keilangan tenanan niyo den se tapay pegkeotawun niyo so yan se linekatan te medaet ketanem tinekingan niyo kedengan, so pineokit kenyan, egkeekalan kaw amon tomaking kaw te medaet ibeg te pedowan niyo, aw yan se mekedaet kenyo.

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Impekità 5:12

Ontò magsen se pegdelangan te kedita dan, kagi dan, “Melangkaw se Karniro inimetayan, Aw yan keilangan toloen tadon sikandin, Aw begayan tadon te kedònan tadon, So biyasa sikandin, aw eglowan diyà te kedita. Sikandin se ipelangkaw tadon, aw segmanen tadon, aw iduyun tadon.”

1 Korinto 10:17

So doen olò sebad pan, yan ketegahan tadon te pengkey medita kidon egpemenal, meneng sebad se neekopan tadon, so sebad olò se pan iteped diyà te kedita tadon.

Juan 19:14

Aldaw sìyan, yan se aldaw te pegtegilan dan te Pista te Pegpelowà. Sagwa agpet den alas dosi, minikagi si Pilato, “Na, seini se selotan niyo.”

Mar. 14:12

Nayan, dimateng se tagnà aldaw te pista te pegpengaen te menge Judiyo te pan kenà eglebag. Yan heman se aldaw te pegpengiyaw dan te nati te karniro kànen dan te Pista te Pegpelowà. Dimoton se menge tinoledaan i Jesus kandin aw mig-insà dan, kagi dan, “Kenan kay lay peg-inang te kànen tadon te Pista te Pegpelowà?”

Juan 1:36

Pegkità din te peg-okit i Jesus kidoen, minikagi sikandin, “Na, yan se Nati te Karniro imbegay te Timanem.”

Mat. 13:33

Migtoladà si Jesus te doma tegdeyanan, kagi din, “Iling heman kani se peglowan te Timanem. Aw isanged se yist diyà te dakel arina, lomebag se kedakel niyan.”

Roma 3:25

Si Jesus se insogò te Timanem amon matay sikandin somelilin kenitadon. Pineokit te dipanog din, pegwedaden te Timanem se salà te otaw memenal kandin. Yan se ininang te Timanem amon ipetaga-taga din kenitadon te metòlid se eg-inangen din. Tandà te kelayat te pedowan din, wedà din tagmon pelumuni se otaw nekesalà kedengan.