1 Korinto 5:6 - Manobo Sarangani

⁶ Medaet se pegpelangkaw-langkaw niyo. Mèpiya beling aw megpedanà kaw amon eked ketin se salà sìyan diyà te kedita niyo, so iling kenyan se ikegiyen tadon, “Pengkey deitek olò se yist, meneng lomebag se kedakel te arina.”

1 Korinto 5:6 ပူးပေါင်းရင်းမြစ်များ

Santiago 4:16

Meneng medaet se eg-inangen niyo, so gayed kaw egpelangkaw-langkaw tandà te aneng-aneng niyo inangen te modi aldaw. Medaet iyan diyà te Timanem.

Galasya 5:9

Peg-ahà kaw amon eked kaw ketini te toladà dan kenà metòlid, so iling kenyan se ikegiyen tadon, “Pengkey deitek olò se yist, meneng lomebag se kedakel te arina.”

1 Korinto 15:33

Peg-ahà kaw amon eked kaw keekali, so kebàtan te otaw medaet se menge otaw tomaking kandan.

1 Korinto 5:2

Pengkey medaet iyan, meneng gayed kaw pa egpelangkaw-langkaw. Keilangan melidò kaw beling aw ipelowà niyo se otaw mig-inang te medaet sìyan, amon eked sikandin pekedoma te menge otaw egpemenal.

Mat. 13:33

Migtoladà si Jesus te doma tegdeyanan, kagi din, “Iling heman kani se peglowan te Timanem. Aw isanged se yist diyà te dakel arina, lomebag se kedakel niyan.”

2 Timoteo 2:17

Iling te bekokang gayed egkedakel diyà te lawa se ipegtoladà dan. Iling heman kenyan se ipegtoladà te didowa otaw, si Himeneo aw si Fileto.

1 Korinto 3:21

Yan keilangan eked niyo duyuni se pegkeotawun niyo tandà te kebiyasa te otaw egtekingan niyo. Eked iyan kepakay, so imbegay te Timanem se kedita dan diyà kenyo.

Luc. 13:21

Iling iyan te yist, so aw isanged iyan diyà te dakel arina, lomebag se kedakel niyan.”

Roma 6:16

Netegahan niyo den, aw megpeallang kaw diyà te doma otaw, keilangan tomolò kaw kandin. Iling heman kenyan, aw meallang se otaw diyà te salà, detengan sikandin te kemetayun wedad temanan. Meneng aw tomolò se otaw te Timanem, eneng-enengen te Timanem te metòlid sikandin.