1 Korinto 5:11 - Manobo Sarangani

¹¹ Meneng se kedegdagan te punù insolat ko kenyo, eked kaw kepakay megdoma te otaw egpemenal aw eglayok te kenà kandin esawa, aw egkeibeg te kwarta, aw egsimba te kenà benal timanem, aw egbaet-baet, aw eglasing, aw egpenakaw. Eked heman kepakay pengkey komaen kaw doma te otaw egpemenal aw medaet se eg-inangen din iling kenyan.

1 Korinto 5:11 ပူးပေါင်းရင်းမြစ်များ

Roma 16:17

Menge kedowa ko, peg-ahà kaw te menge otaw egbaet te pegsebad te pedowan niyo aw egbaet te pegsalig niyo diyà ki Cristo, so kenà iling kenyan se kebenalan intoladà day kenyo. Ikà niyo egtaking kandan.

2 Tesalonika 3:14

Aw doen otaw doton kenyo eked tolò te menge punù day diyà te solat day seini, peg-ahà kaw kandin, aw ikà niyo egdoma kandin amon meyàyà sikandin.

2 Tesalonika 3:6

Menge kedowa day, seini se ipunù day kenyo pineokit te ngadan te Pengolo tadon si Jesu Cristo. Aw tekahen se otaw egpemenal aw kenà egtolò te impunù day kenyo, ikà niyo egdoma kandin.

Mat. 18:17

Aw eked sikandin penenalan kandan, indani niyo iyan diyà te kedita te otaw egsimba kidoen. Aw eked sikandin tolò te menge obanen te simbahan, ikà niyo egdoma kandin, so iling den sikandin te menge otaw kenà egpenimanem aw nelegeb te salà.”

2 Juan 1:10

Aw doen otaw domateng kenyo aw doen itoladà din kenyo kenà onawa te kebenalan intoladà i Jesu Cristo, ikà niyo egpepenayit kandin diyà te balay niyo. Ikà niyo heman egliyag kandin,

Impekità 22:15

Meneng se kedita te otaw eg-inang te mekeyàyà, aw egketoigan, aw eglayok te kenà kandan esawa, aw metibonò, aw egsimba te kenà benal timanem, aw kedita te otaw egkebolalaw aw egkeibeg te kebolelawan, yan se eked pekeawop te lonsod.

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”

1 Timoteo 3:3

Eked kepakay aw eglasing, aw egbolaw, meneng keilangan mèpiya se pedowan din diyà te doma otaw. Eked kepakay aw egdindil aw egpengewarta.

Mat. 23:25

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so gayed kaw eg-ingà aw eglalang te medaet. Iling kaw te otaw olò eg-onaw te lowà te baso aw sablag pengkey melipà pa se didalem niyan.

Impekità 2:20

Meneng netegahan ko te doen heman medaet eg-inangen niyo, so mepakay diyà kenyo aw toledaan kaw te bayi si Jesebel egpelingo-lingo telekeliwat te kagi te Timanem. Egboyo sikandin te menge sakop ko pineokit te pegtoladà din te mepakay aw lomayok dan te kenà kandan esawa, aw komaen dan heman te pengelapen ipegpemegay diyà te kenà benal timanem.

Efeso 5:5

Ketegahan niyo te benal se kagi ko seini. Eked peekopi i Cristo aw Timanem se otaw diyà te peglowan din aw eglayok dan te kenà kandan esawa, aw egkapoy dan, aw eg-ingà dan. Aw eg-ingà se otaw, doen egsimbahen din kenà Timanem.

Luc. 21:34

“Peg-ahà kaw amon meketagad kaw te aldaw sìyan. Eked kaw peketagad aw egpengemahà kaw te keluba, aw eg-inem kaw, aw gayed kaw eg-aneng-aneng tepad te peg-ogpà niyo, so metoman domateng se aldaw sìyan pengkey eked kaw peketagad.

Kolasas 3:5

Yan, so iling te nematay kaw den doma ki Cristo, keilangan imetayan niyo se ibeg te pedowan niyo meg-inang te medaet iling te ininang niyo kedengan. Ikà niyo eglayok te kenà kenyo esawa. Ikà niyo egkapoy. Ikà niyo egkeboyo te medaet pengkey lekat iyan te kenyo pedowan. Ikà niyo eg-ingà te kedònan te doma otaw, so iling iyan te pegsimba niyo diyà te kenà benal timanem.

1 Korinto 8:11

Aw yan se inangen niyo lekat te pegketaga-taga niyo te kebenalan, megkedaet se doma niyo, sìyan wedà ontò ketaga-taga te kebenalan, pengkey sikandin se kedowa niyo te pegpemenal, sìyan impelowà pineokit te pegkematay i Cristo.

1 Korinto 6:6

Meneng pengkey egpemenal kaw, egpeibingay kaw ekon doton te howis, aw labi pa iyan medaet so otaw kenà egpemenal se eg-osay kenyo.

Roma 13:13

Keilangan tomalag mèpiya se eg-inangen tadon amon metaga-taga se kedita te otaw te wedad medaet mekeyàyà kenitadon. Ikà niyo eg-iling te otaw egsamok, aw eglasing, aw eglayok te kenà kandan esawa, aw metibayi wedad yàyà. Ikà niyo egdindil. Ikà niyo eg-ingà.

Impekità 2:14

Pengkey induyun ko sikiyo, meneng netegahan ko heman te doen medaet eg-inangen niyo, so doen otaw doton kenyo egtaking te kebolalaw intoladà i Balaam gebii. Migtoladà si Balaam ki Balak te peokit te pegboyo din te menge bowad-bowad i Israel amon lomengà dan te pegtaking dan diyà te Timanem. Binoyo din dan amon komaen dan te pengelapen imbegay diyà te kenà benal timanem, aw amon lomayok dan te kenà kandan esawa.

1 Timoteo 6:5

Gayed dan egpedindilay so migkedaet se aneng-aneng dan, aw simoway dan lekat te kebenalan. Eg-aneng-aneng dan te megkeyaman dan pineokit te pegpesakop dan diyà te Timanem.

Efeso 5:18

Ikà niyo eglasing, so mekedaet iyan kenyo. Meneng keilangan beyà-beyaan kaw te Espiritu Santo.

Galasya 2:12

gayed sikandin egpengaen doma te menge otaw kenà Judiyo. Mèpiya iyan, meneng pegdateng te menge otaw insogò i Santiago, pengkey netegahan i Pedro te mepakay aw komaen doma te menge otaw kenà Judiyo, limengà sikandin kimaen doma dan, amon eked sikandin silahi te menge otaw egtoladà te keilangan toloen se menge punù ingkeliwat i Moises.

1 Korinto 11:21

Aw egdateng se oras te pegkaen, gayed kaw ekon egkegallat se egpengaen. Kenà kaw ekon egtagad te doma otaw, aw kenà kaw ekon egtalad kandan. Yan se doun te medita se melasing, aw bellosen se doma, so wedad den kànen.

1 Korinto 10:14

Na, menge kedowa ko egkedekelan ko te pedowan, ikà niyo eg-inabut diyà te pegsimba te kenà benal timanem.

1 Korinto 7:15

Meneng se otaw kenà egpemenal, aw ibeg din tomanan te esawa din egpemenal, mepakay iyan. Eked pegtameng se otaw egpemenal, so ibeg te Timanem eked kidon pegleges te doma.

1 Korinto 7:12

Doen pa ikegiyen ko diyà te doma otaw pengkey wedà ini keliwati lekat te Pengolo. Seini se punù ko kenyo. Eked sibwani te otaw egpemenal se esawa din kenà egpemenal meibeg megdoma kandin,

Ininang 9:17

Penga niyan, dimoton si Ananias te balay inogpaan i Saulo. Peg-awop din, pinemàdan din si Saulo aw minikagi, “Kedowa ko, insogò a te Pengolo si Jesus, sìyan migpekità diyà kamno doton te dalan. Insogò a din dini kamno amon todà ka komità, aw amon domateng se Espiritu Santo kamno.”

Luc. 18:11

Timindeg kidoen se Parisiyo aw migtawal-tawal, kagi din, ‘E Timanem, egpesiontong a diyà kamno, so labi a pa mèpiya diyà te menge doma otaw, so kenà a iling te otaw eg-akal, aw eglàpang te punù, aw eglakad. Egpesiontong a so kenà a medaet otaw iling te iskribinti sida.

Ininang 1:15

Doen aldaw netipon se medita otaw egpemenal, dagpò dan menge sebad gatos kelowan. Timindeg si Pedro kidoen aw minikagi,

1 Korinto 6:9

Nelibelan niyo besi te eked pekeakop diyà te peglowan te Timanem se otaw gayed eg-inang te medaet. Ontò niyo eneng-enengi se kebenalan seini. Eked pekeakop diyà te peglowan te Timanem se kedita te otaw eglayok te kenà kandan esawa, aw egsimba te kenà benal timanem, aw eglakad, aw bayot, aw egpenolis, aw otaw egpengewarta, aw eglasing, aw egbaet-baet, aw egpenakaw.