1 Korinto 4:6 - Manobo Sarangani

⁶ Menge kedowa ko, dini te intoladà ko seini, impolingun ko diyà kanak aw ki Apolos, so ibeg ko meg-iling kaw kenami te pegtolò day te kagi te Timanem insolat, amon wedad pedigselan niyo.

1 Korinto 4:6 ပူးပေါင်းရင်းမြစ်များ

2 Korinto 11:4

Netetana a aw menenalan kaw te menge otaw domoton kenyo megtoladà te doen doma egpelowà kenà si Jesus, sìyan intoladà ko den kenyo. Egtoladà dan te doen sebad kemolò Espiritu Santo aw Mèpiya Indan kenà iling te pinemenalan niyo kedengan. Nepela a, so neibeg kaw te migtoladà dan kenyan.

2 Korinto 12:19

Eden niyo aw sikiyo se petega-tegahan te wedad salà ko pineokit te pegsolat ko seini, so ibeg ko kenà sikiyo se meluba kanak, meneng Timanem se meluba kanak, so egtaking a ki Cristo. Menge kedowa ko, simolat a te kedita nini amon tebangan kaw te pegtaking niyo te Timanem, so nedekelan ko sikiyo te pedowan.

2 Korinto 12:6

Pengkey iindan ko se kedita neokitan ko, meneng kenà a iling te wedad inenengen, so iindan ko olò se benal. Meneng eked a duyun te kanak pegkeotawun, so ibeg ko eked peg-aneng-aneng se doma otaw tepad te kèpiya ko melangkaw pa diyà te eg-inangen ko egkitaen dan, aw ipegtoladà ko egdinegen dan.

Kolasas 2:18

Doen heman menge otaw egpelangkaw-langkaw, so eg-ikagi dan te doen kebenalan impetaga-taga te Timanem kandan, aw egtoladà dan tepad te pegpedanà aw pegsimba dan te menge anghil. Meneng peg-ahà kaw amon eked kaw dan keekali pineokit te kagi dan, so kenà lekat te Timanem se ipegtoladà dan, meneng lekat te medaet aneng-aneng dan.

1 Tesalonika 1:5

so pegtoladà day kenyo te Mèpiya Indan tepad ki Cristo, nemenal kaw kenà pineokit olò te inikagi day, meneng pineokit te ininang te Espiritu Santo kenyo, aw yan netegahan niyo te ontò benal se intoladà day. Peg-ogpà day kidoen kenyo, kinità niyo heman se ininang day amon ketebangan kaw.

Roma 12:3

Tandà te pegsogò te Timanem kanak, doen den ipunù ko diyà te kedita niyo egpemenal. Ikà niyo egpelangkaw-langkaw. Meneng keilangan metòlid se aneng-aneng niyo tepad te mebatog niyo inangen tandà te kebiyasa imbegay te Timanem kenyo te pegsalig niyo diyà kandin.

2 Korinto 10:7

Eneng-enengi niyo ini. Doen ekon menge otaw doton kenyo eg-ikagi te egtaking dan ki Cristo. Mèpiya aw eneng-enengen dan ini. Aw benal dan egtaking ki Cristo, ontò a heman egtaking se kanak.

2 Korinto 4:15

Pengkey egpemilangen a tandà te pegtoladà ko, meneng ibeg ko doen kèpiyaan niyo, amon pineokit te pegladlad te tabang te Timanem diyà te medita otaw, doen heman labi pa medita otaw megpesiontong kandin amon sikandin se iduyun.

1 Korinto 8:1

Nayan, tomaba a te insà niyo tepad te pegkaen niyo te pengelapen imbegay diyà te inotaw egseligan te otaw kenà egsalig te Timanem. Ontò benal se inikagi niyo te netegahan te kedita tadon se kebenalan tepad te pegkaen te pengelapen imbegay diyà te inotaw. Meneng ikà niyo egkelibel kani. Aw meg-aneng-aneng kaw te netegahan niyo se kedita, yan se kelekatan te pegduyun niyo te kenyo pegkeotawun, meneng medaet iyan. Meneng aw megpedekelay kaw te pedowan, yan se kelekatan te pegpetebangay niyo tepad te pegtaking niyo te Pengolo tadon.

1 Korinto 5:6

Medaet se pegpelangkaw-langkaw niyo. Mèpiya beling aw megpedanà kaw amon eked ketin se salà sìyan diyà te kedita niyo, so iling kenyan se ikegiyen tadon, “Pengkey deitek olò se yist, meneng lomebag se kedakel te arina.”

1 Korinto 3:19

so se kebiyasa te otaw dini te keneyonan, wedad ontong niyan diyà te Timanem. Benal se kagi te Timanem insolat, “Se kebiyasa te otaw, yan se isilit te Timanem te otaw eg-aneng-aneng te doen kebiyasa dan.”

2 Timoteo 2:10

Yan se doun te egpeketayod a te kelimahan dimateng kanak amon ketebangan ko se menge otaw pinemallì te Timanem, so ibeg ko mekelowà dan heman lekat te salà pineokit te pegpemenal dan ki Jesu Cristo, aw kominawà dan heman te kaling pedowan wedad temanan.

2 Korinto 10:15

Eked ko peg-ilingi se doma menenoladà, so eked ko ikegihi te nebatog ko se nebatog te doma otaw. Meneng aw magsen kaw somalig te Timanem, ibeg ko megtelaban kaw kanak te pegpesalo ko doton te doma ogpeanan,

2 Korinto 10:12

Eked a keibeg megpeakop diyà te menge doma menenoladà egduyun te kandan pegkeotawun. Wedad inenengen dan so egpeduyunay dan, aw pengkey eden se inangen dan, yan son dan se metòlid inang.

1 Korinto 13:4

Seini se eg-inangen te otaw dakel se pedowan din. Melayat se pedowan din, aw mèpiya se eg-inangen din diyà te doma. Kenà eg-ingà. Kenà heman egduyun te pegkeotawun din.

1 Korinto 9:23

Yan se eg-inangen ko amon ketegahan te kedita te otaw se Mèpiya Indan tepad ki Cristo, aw amon mekeontong a heman doton te langit.

1 Korinto 5:2

Pengkey medaet iyan, meneng gayed kaw pa egpelangkaw-langkaw. Keilangan melidò kaw beling aw ipelowà niyo se otaw mig-inang te medaet sìyan, amon eked sikandin pekedoma te menge otaw egpemenal.

1 Korinto 3:21

Yan keilangan eked niyo duyuni se pegkeotawun niyo tandà te kebiyasa te otaw egtekingan niyo. Eked iyan kepakay, so imbegay te Timanem se kedita dan diyà kenyo.

1 Korinto 1:31

Yan mèpiya aw tomolò kidon te kagi te Timanem insolat, “Eked kepakay aw domuyun se otaw te kandin pegkeotawun, meneng mèpiya aw iduyun din se Pengolo egpemegay te mèpiya.”

1 Korinto 1:19

So doen kagi te Timanem tapay insolat, “Pegbàtan ko se kebiyasa te otaw eg-ikagi te biyasa dan, aw ipetaga-taga ko te wedad ontong te pig-ilingan te otaw doen dakel netegahan.”

1 Korinto 1:12

Ibeg ko ipekelabet kenyo. Doen ekon eg-ikagi te siak se egtekingan dan. Doen ekon heman menge doma eg-ikagi te si Apolos se egtekingan dan. Doen ekon doma egtaking ki Pedro, aw doen pa ekon eg-ikagi te si Cristo olò se egtekingan dan.

Ininang 18:24

Doen sebad Judiyo si Apolos lekat te Alejandriya dimateng doton te Efeso. Mèpiya se pegtoladà din aw biyasa sikandin te kagi te Timanem.

Ininang 19:1

Dalem te peg-ogpà i Apolos doton te Korinto, limiyo si Pablo te bontod pesalo doton te Efeso. Netelaan din kidoen se menge tinoledaan.

2 Korinto 12:20

Netetana a aw domateng a kidoen kenyo, kitaen ko sikiyo meg-inang te kenà ko ibeg. Aw yan se inangen niyo, inangen ko heman kenyo se kenà niyo ibeg, so segdahen ko sikiyo. Netetana a aw kitaen ko sikiyo megpedindilay, aw megpeingaay, aw megpeopalay, aw megpedemetay kaw. Doen besi heman kitaen ko menge otaw egbaet-baet, aw egbelikbik, aw egpelangkaw-langkaw, aw egsamok.