1 Korinto 4:5 - Manobo Sarangani

⁵ Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.

1 Korinto 4:5 ပူးပေါင်းရင်းမြစ်များ

Santiago 5:7

Nayan menge kedowa ko, mèpiya aw melayat se pedowan niyo lamig te peglikò te Pengolo tadon, so metoman din dan ipelumun. Netegahan niyo te melayat se pedowan te otaw megtagad te odan amon menanem te benì, so doen ontong niyan pelimanan din aw megketesan.

2 Korinto 5:10

Sominalo kwani se kedita tadon ki Cristo amon okomen kidon din, aw amon meabat te teg sebad-sebad kenitadon egpemenal se kandin ontong tepad te ininang din dini te keneyonan. Se otaw mig-inang te mèpiya, yan se doen ontong. Se otaw egpemenal eg-inang te medaet, yan se wedad ontong.

1 Korinto 3:13

Meneng aw lomikò si Jesu Cristo, ipekità din te menge otaw aw doen ontong te ininang dan, so ipeokit i Cristo se inang dan diyà te apoy amon ketegahan aw mèpiya iyan.

Menge Hebreo 4:13

Wedad palos mekeeles diyà te Timanem, so egkitaen din se kedita, aw sikandin se meg-okom te kenitadon eg-inangen.

2 Korinto 10:18

Na, eked duyuni te Timanem se otaw domuyun te kandin pegkeotawun. Meneng aw Timanem se domuyun te otaw, yan ketegahan din te ontò iyan benal.

Roma 2:16

Pegtoladà ko te Mèpiya Indan, egtoladà a te doen pa aldaw domateng aw isogò te Timanem si Jesu Cristo meg-okom te kedita te otaw, so ipetaga-taga din se kedita te ininang tadon pengkey in-eles.

Roma 2:1

Yan keilangan meg-ahà se kedita niyo egsila te doma otaw eg-inang te medaet. Eked kaw pekeikagi te wedad salà ininang niyo. Aw mikagi kaw te mèpiya aw ipelumun te Timanem se otaw eg-inang te medaet, aw medaet heman se eg-inangen niyo, ipelumun kaw heman doma dan.

Impekità 20:12

Kinità ko se kedita te otaw neantay den lekat te nematay, pengkey melangkaw aw sagkep. Timindeg dan diyà te monà te onsedanan te peglowan. Bineka se menge libro aw sìyan libro sinolatan te ngadan te kedita te otaw binegayan te kaling pedowan wedad temanan. Se insolat kidoen te menge doma libro, yan se indan aw eden se ininang dan te wedà dan pa kematay, aw yan se binasa te peg-okom kandan.

1 Pedro 1:7

so ibeg te Timanem tomayod kaw te menge kelimahan sìyan amon ipetaga-taga niyo te ontò nelobos se pegsalig niyo diyà kandin. Iling iyan te bolawan tonawen diyà te apoy amon ketegahan aw ontò iyan bolawan. Pengkey meelagà se bolawan, megkewedad iyan te eked kenamay. Meneng labi pa meelagà se pegsalig niyo diyà te Timanem, aw yan ipeokit kaw din diyà te kelimahan amon ketegahan din aw ontò kaw egsalig diyà kandin. Aw meketayod kaw kenyan, iduyun kaw din aw ipelangkaw kaw din te aldaw te peglikò i Jesu Cristo.

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

Roma 14:4

Eked kepakay aw silahen tadon se ketanem egtekingan te menge doma otaw singed aw kenitadon sineligan, so olò amo dan se mepakay mikagi te mèpiya aw medaet se ketanem egtekingan te sineligan din. Meneng mèpiya se eg-inangen tadon menge sakop din, so egpeketabang se Pengolo tadon kenitadon.

Juan 5:44

Ibeg niyo iduyun kaw te menge doma otaw, meneng eked kaw keibeg iduyun te sebad olò Timanem. Yan se doun te eked kaw pemenal.

Santiago 4:11

Menge kedowa ko, ikà niyo egpesilahay. Aw somila kaw te doma otaw, aw meglindò kaw kandan, mekelindò kaw heman te punù te Timanem. Aw meglindò kaw te punù te Timanem, kenà kaw egtaking te punù din, so lomowan kaw peden kenyan.

Luc. 6:37

“Ikà niyo eg-okom te doma otaw amon eked kaw okomi. Ikà niyo egpemegay te pelumun diyà te doma otaw amon eked kaw begayi te pelumun. Pegwedadi niyo se salà te doma otaw amon pegwedaden se kenyo salà.

Mat. 24:46

Aw domateng se pengolo din, ontò meluba se sineligan gayed egtolò te impunù te amo din.

Impekità 1:7

Na, lomikò si Jesu Cristo domaan te labon. Kitaen te kedita te otaw se pegdateng din, aw komità heman kandin se kedita te otaw nengimatay kandin. Megmatay se otaw te kedita te pongan dini te keneyonan tandà te puluk te pedowan dan, so sikandin se megpelumun kandan. Ontò iyan benal. Metoman iyan.

1 Pedro 5:4

Aw lomikò si Cristo Pengolo te kedita niyo egpengibing te simbahan, doen mèpiya ontong ibegay din diyà kenyo eked palos pegkedaet te wedad temanan.

1 Tesalonika 5:2

so ontò niyo den netegahan te domateng se aldaw te peglikò te Pengolo tadon iling te pegdateng te menenakaw te tengà te delem aw wedad egpeketagad.

Juan 21:22

Timaba si Jesus, “Simpana ibeg ko eked sikandin kematay lamig te aldaw te peglikò ko, wedad labut no kenyan. Meneng keilangan gayed ka tomaking kanak.”

2 Pedro 3:4

aw mikagi dan, “Eked kay pemenal te impakang i Jesu Cristo te lomikò sikandin dini te tanà. Nematay se kemonaan tadon gebii, meneng gayed onawa se keneyonan lekat te peg-inang kenyan lamig songkani.”

Mat. 25:23

Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’

Judas 1:14

Gebii doen kagi te Timanem ingkeliwat i Enok tepad te menge otaw sìyan. Diyà te kedita te bowad-bowad i Adam, si Enok se apò din te ikepito keliwat. Minikagi sikandin, “Peg-ahà kaw, so domateng se Pengolo tadon tinekingan te minelalan anghil din.

2 Pedro 3:12

Egtagad aw egpeliman kaw te aldaw te pegtoman te Timanem te pakang din. Aw domateng se aldaw sìyan, mesonog se langit aw megkewedad iyan. Metonaw heman se aldaw, aw bolan, aw kedita te bitoen tandà te keinit te apoy.

1 Korinto 15:23

Entayen kidon te Timanem te aldaw pinemallì din, so onà inantay si Cristo, aw penga niyan te peglikò din dini te keneyonan, entayen se kedita tadon menge sakop din.

1 Korinto 11:26

Yan dalem te eked pa likò se Pengolo, kelikit te pegkaen niyo te pan aw peg-inem niyo diyà te tabò, ipetaga-taga niyo te nematay se Pengolo amon megpelowà kenyo.

1 Korinto 1:7

aw yan wedad kolang diyà kenyo te kedita te kemolò te kebiyasa imbegay te Timanem diyà te otaw egpemenal, dalem te pegpeliman niyo te peglikò te Pengolo tadon si Jesu Cristo.

Roma 2:7

Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

Mat. 24:30

Penga niyan, ipekità ko se pengilala doton te langit te agpet a den lomikò Timanem Migpekeotaw. Megkelag se kedita te otaw te keneyonan tandà te lamit dan, so komità dan te pegdateng ko aw lomikò a Timanem Migpekeotaw tekingan te labon lekat te langit. Komità dan te metolos a aw ontò a melangkaw.

1 Korinto 3:8

Wedad melangkaw diyà te otaw manggas aw otaw megtonggò, so doen ontong ibegay te Timanem diyà te teg sebad-sebad kandan tepad te eg-inangen dan.

Mat. 25:21

Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’

Mat. 10:26

“Na, ikà niyo egkelemitan te doma otaw, so ipekità te modi aldaw se kedita te in-eles den seini. Ipetaga-taga heman se kedita wedà pa ketegahi te doma otaw.

Juan 21:23

Yan migpeindanay se menge otaw egpemenal ki Cristo te eked kematay se tinoledaan sìyan. Meneng kenà niyan se inikagi i Jesus, so se inikagi din, “Simpana ibeg ko eked sikandin kematay lamig te aldaw te peglikò ko, wedad labut no kenyan.”

1 Korinto 3:14

Aw mèpiya se ininang dan kidoen te pinetindegan iling te balay eked kesonog, begayan din dan te ontong.

1 Korinto 11:16

Aw doen otaw eked pemenal te inikagi ko tepad te pegtedong te bayi te olo, seini se itaba ko kandin te yan se ipegtoladà day, aw egtekingan iyan te kedita te otaw egpemenal te Timanem pengkey kenan.

Santiago 5:9

Menge kedowa ko, ikà niyo egpelibagay amon eked kaw pelumuni, so agpet den se peg-okom te Pengolo.

2 Korinto 10:9

Eked a keibeg meglamit kenyo pineokit te kagi insolat ko.