1 Korinto 4:17 - Manobo Sarangani

¹⁷ Yan insogò ko si Timoteo doton kenyo. Iling sikandin te batà ko egkedekelan ko te pedowan, aw egkeseligan sikandin te pegtaking din te Pengolo tadon. Ipeaneng-aneng kaw din te eg-inangen ko te pegtaking ko ki Jesu Cristo, aw yan se ipegtoladà ko doton te kedita te simbahan pengkey kenan a pesalo.

1 Korinto 4:17 ပူးပေါင်းရင်းမြစ်များ

1 Timoteo 1:2

Simolat a kamno, Timoteo. Iling ka te ontò batà ko tandà te pegpemenal no ki Cristo. Ibeg ko, tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

1 Korinto 16:10

Aw domateng si Timoteo kidoen kenyo, liyag kaw kandin amon eked sikandin kelemitan, so sikandin heman se insogò te Pengolo iling kanak.

1 Korinto 7:17

Keilangan tomaking se teg sebad-sebad kenitadon te ibeg te Pengolo tadon, aw tomayod kidon heman te keogpà te pegpenenalan tadon te tawal te Timanem. Yan se ipegpunù ko diyà te kedita te otaw egpemenal.

2 Timoteo 1:2

Simolat a kamno, Timoteo. Iling ka te ontò batà ko so dakel se pedowan ko kamno. Ibeg ko tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

1 Korinto 16:1

Nayan, tepad te kwarta ibegay niyo itabang te menge kedowa tadon sakop te Timanem doton te Jerusalem, taking kaw heman te impunù ko diyà te menge otaw egsimba doton te probinsya te Galasya.

1 Korinto 14:33

so kenà lekat te Timanem se belisì, meneng sikandin se kelekatan te kelinaw te pedowan. Iling te ketanem te kedita te sakop te Timanem egsimba doton te teg sebad-sebad lonsod,

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

1 Korinto 11:2

Na, mèpiya se ininang niyo, so gayed a niyo egkeeneng-enengan, aw egtekingan niyo heman se ketanem intoladà ko kenyo.

1 Korinto 7:25

Nayan, tomaba a te insà niyo tepad te menge otaw wedà pengognan. Wedad punù ikeliwat ko kandan lekat te Pengolo tadon, meneng pineokit te keido din kanak, egkeseligan a, aw seini den se aneng-aneng ko.

Impekità 2:13

Netegahan ko te pengkey eg-ogpà kaw doton te lonsod eglowanan i Satanas, meneng ontò kaw simalig kanak. Wedà kaw lengà te pegpemenal niyo kanak pengkey kedengan te pegpengimatay ki Antipas. Egkeseligan sikandin migtoladà tepad kanak, aw yan se doun te inimetayan sikandin kidoen te lonsod niyo eglowanan i Satanas.

2 Timoteo 3:10

Meneng sikona, Timoteo, netegahan no den se kedita intoladà ko, aw eg-inangen ko, aw ibeg te pedowan ko. Kinità no heman se pegsalig ko diyà te Timanem, aw pegkelayat aw pegkedakel te pedowan ko. Kinità no heman se pegtayod ko te kelimahan,

2 Timoteo 2:2

Se kebenalan intoladà ko kamno aw medita doma otaw, yan se keilangan itoladà no diyà te menge doma otaw keseligan amon meketoladà dan heman te menge doma otaw.

Kolasas 4:9

Isogò ko heman se kedowa tadon te pegpemenal si Onesimo tomaking kandin. Egkeseligan heman sikandin aw egkedekelan tadon te pedowan. Sikandin se tege doton kenyo. Didowa dan se meg-indan kenyo aw eden se eg-inangen day dini.

Kolasas 1:7

Yan se intoladà i Epapras kenyo. Sikandin heman se sineligan i Cristo, aw dakel se pedowan tadon kandin. Sikandin se egseligan day insogò day doton kenyo amon megtoladà tepad ki Cristo.

Filipos 2:19

Nayan, seini se ibeg ko aw mepakay diyà te Pengolo tadon si Jesus. Ibeg ko isogò si Timoteo lomaoy kenyo te eked kenamay, so aw molì sikandin dini kanak, indanan a din tepad kenyo aw yan meluba se pedowan ko.

Efeso 6:21

Nayan, ibeg ko ketegahan niyo tepad te peg-ogpà ko aw eg-inangen ko dini, aw yan isogò ko si Tikico meg-indan kenyo te kedita. Sikandin se kedowa tadon te pegpemenal egkedekelan ko te pedowan, aw egkeseligan sikandin egtelaban kanak te pegtoladà tepad te Pengolo tadon.

1 Korinto 11:16

Aw doen otaw eked pemenal te inikagi ko tepad te pegtedong te bayi te olo, seini se itaba ko kandin te yan se ipegtoladà day, aw egtekingan iyan te kedita te otaw egpemenal te Timanem pengkey kenan.

1 Korinto 4:15

Pengkey pila gatos se doma otaw megtoladà kenyo tepad ki Cristo, meneng ikà niyo egkelibel te siaken olò se amay niyo, so nemenal kaw ki Cristo pineokit te pegtoladà ko kenyo te Mèpiya Indan.

Mat. 25:23

Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’

Mat. 25:21

Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’

Mat. 24:45

“Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay diyà kandan te kànen te kelikit te aldaw.

1 Korinto 4:2

So sikami se otaw sineligan din kenyan, keilangan tomolò kay te simogò kenami.

Ininang 16:1

Dimoton si Pablo aw si Silas te Derbe aw Listra. Doen sebad otaw mig-ogpà kidoen ngadan din si Timoteo. Egpemenal sikandin te Timanem sipat inay din. Judiyo se inay din, meneng kenà Judiyo se amay din.

1 Korinto 4:14

Simolat a kani diyà kenyo kenà amon meyàyà kaw, meneng amon megtoladà a kenyo, so egkedekelan ko sikiyo te pedowan iling te ontò batà ko.

1 Korinto 11:34

Aw doen otaw eked peketagad te doma otaw, mèpiya aw komaen sikandin doton te kandin balay, amon eked kaw pelumuni te Timanem kidoen te kenyo pegtipon. Na, se doma insà niyo kanak, yan se tebahen ko aw domateng a kidoen kenyo.

2 Korinto 8:18

Ipetaking ko ki Tito se sebad kedowa tadon egpemenal. Nedengeg sikandin diyà te kedita te otaw nemenal ki Cristo, so biyasa sikandin egtoladà te Mèpiya Indan tepad ki Cristo.

Filipos 2:22

Meneng netegahan niyo den te egkeseligan si Timoteo, so iling te pegtelaban te batà te amay din se pegtelaban i Timoteo kanak te pegtoladà ko te Mèpiya Indan tepad ki Cristo.

1 Timoteo 1:18

Nayan, batà ko Timoteo, seini se ipunù ko kamno. Ikà egkelibel te inikagi te menge telekeliwat te kagi te Timanem tepad kamno kedengan. Yan ketebangan ka amon keseligan ka tomoman te impunù kamno, iling te sondalo egkeseligan tepad te eg-inangen din.

Tito 1:5

Kedengan, tinenanan ta doton te polò te Kreta amon ipengahen no se sìyan wedà ta kepenga doton, aw amon pemellien no se menge otaw inangen egpengibing te simbahan doton te teg sebad-sebad lonsod kidoen. Ikà egkelibel te impunù ko kamno,