1 Korinto 4:12 - Manobo Sarangani

¹² Egterbaho kay amon doen mekaen day. Aw tollonan kay te doma otaw, egpemoyò kay diyà te Timanem te keidowan din dan. Pengkey egpemilangen kay, meneng kunù egpeketayod kay.

1 Korinto 4:12 ပူးပေါင်းရင်းမြစ်များ

1 Pedro 3:9

Aw doen otaw meg-inang te medaet diyà kenyo, ikà niyo eg-inang te medaet diyà kandan. Aw doen otaw megtompuyus kenyo, ikà niyo egtompuyus kandan. Meneng pemoyò kaw diyà te Timanem te keidowan din dan, so pegtawal din kenyo, migpakang sikandin te keidowan kaw din.

Mat. 5:11

“Doen keluba te kedita niyo egtompuyusen tandà te pegtaking niyo kanak, pengkey egpemilangen kaw, pengkey bàtan-bàtan kaw.

Roma 12:14

Pemoyò kaw diyà te Timanem te keidowan din se otaw egpemilang kenyo. Ikà niyo egpemoyò te detengan dan te medaet, meneng pegtawal-tawal kaw te keidowan din dan.

Roma 12:20

Meneng doen sebad punù te Timanem insolat tepad te mèpiya inangen tadon, kagi din, “Aw bellosen se otaw egpoon kenyo, pekàni niyo sikandin. Aw melao, peinemi niyo. So pineokit te pegtabang niyo kandin, ontò sikandin meyàyà.”

Ininang 18:3

Mig-ogpà diyà kandan aw migpetelebanay dan, so sikandan se otaw biyasa eg-inang te balay eg-etepan te penenaktun, onawa te eg-inangen i Pablo.

Luc. 6:28

Pemoyò kaw diyà te Timanem te keidowan din se otaw egpenollon kenyo. Pegtawal-tawal kaw heman diyà kandin tepad te otaw egtompuyus kenyo.

1 Pedro 3:14

Meneng aw pemilangen kaw tandà te peg-inang niyo te metòlid, meluba se pedowan niyo. Ikà niyo egkelemitan. Ikà niyo egketetana.

1 Pedro 2:23

Pegtompuyus dan kandin, wedad medaet intaba din. Pegpengimatay dan kandin, wedà sikandin peglamit kandan. Olò sikandin simalig diyà te Timanem eg-okom te metòlid.

Luc. 23:34

Migtawal-tawal si Jesus tepad te menge otaw miglansang kandin diyà te kros, kagi din, “Amà, pegwedadi se salà dan, so wedà dan ketegahi aw eden se ininang dan seini.” Penga te peglansang dan ki Jesus diyà te kros, pigtalad-talad dan se penenaktun linowas din, aw migbonot dan aw eden se penenaktun meabat te teg sebad-sebad kandan.

Mat. 5:44

Meneng mikagi a den diyà kenyo te keilangan kedekelan niyo te pedowan se poon niyo. Keilangan gayed kaw megtawal-tawal diyà te Timanem tepad te otaw egpemilang kenyo.

Ininang 7:60

Penga niyan, limongken si Esteban aw timawal te dakel se kagi din, “E Pengolo, ikà egpelumun kandan te salà ininang dan kanak.” Penga niyan, nematay.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

Judas 1:9

Pengkey si Miguel se ontò melangkaw diyà te kedita te anghil, meneng kenà iling kenyan se ininang din. Pegkematay i Moises gebii, migpedindilay si Miguel aw si Satanas, so segdahen peden i Satanas se peglebeng i Miguel te lawa i Moises. Meneng wedà palos pegtompuyus si Miguel ki Satanas. Olò sikandin minikagi, “Timanem se megsagda kamno.”

1 Timoteo 4:10

Yan se doun te egpekagsen kidon te eg-inangen tadon so egseligan tadon se Timanem wedad temanan din. Sikandin se megpelowà te kedita te otaw, aw labi din pa ipelowà se kedita tadon egpemenal ki Jesu Cristo.

2 Tesalonika 3:8

Wedà kay pemoyò te kànen day diyà te menge doma otaw, meneng minayad kay te kedita te kelidoan day. Ontò kay migpekeaseb migterbaho pengkey aldaw aw delem amon eked kaw kelimahi te pegpenogpò niyo kenami.

1 Tesalonika 2:9

Menge kedowa day, wedà niyo besi kelibeli te ontò kay migpekeaseb te peg-ogpà day doton kenyo. Pegtoladà day kenyo te Mèpiya Indan lekat te Timanem, gayed kay migterbaho te aldaw aw delem amon eked kaw kelimahi te pegpenogpò niyo kenami.

1 Korinto 9:6

Pengkey wedà kay togpoi te menge simbahan, meneng ikà niyo eg-aneng-aneng te olò sikami si Bernabe se keilangan megterbaho amon doen ibayad day te kànen,

Ininang 20:34

Netegahan niyo te gayed a migterbaho amon doen ibayad ko te kepulukan ko aw kepulukan te menge doma otaw timaking kanak.

1 Pedro 4:19

Yan aw ibeg te Timanem detengan kaw te kelimahan, keilangan eked kaw lengà te peg-inang niyo te metòlid. Salig kaw diyà te Timanem mig-inang te kedita, so egkeseligan sikandin.

Roma 8:35

Pengkey eden se domateng kenitadon, netegahan tadon te gayed dakel se pedowan i Cristo kenitadon. Pengkey kelimahan kidon, aw mesamok kidon, aw pemilangen kidon, pengkey wedad kànen tadon, aw wedad penenaktun tadon, pengkey elegen kidon aw imetayan kidon, netegahan tadon te dakel se pedowan i Cristo kenitadon.

2 Korinto 11:8

Pegtoladà ko kenyo kedengan, tinogpoan a te menge otaw egpemenal ki Cristo doton te menge doma ogpeanan. Kolang besi se pegpengabat ko te kwarta kandan, so sikiyo se tinebangan ko.

Efeso 4:28

Aw doen menenakaw doton kenyo, keilangan lomengà aw megterbaho amon meketabang te menge doma otaw nelimahan.