1 Korinto 4:1 - Manobo Sarangani

¹ Yan keilangan meg-aneng-aneng kaw te sikami si Apolos se insogò i Cristo, aw insalig te Timanem kenami se kebenalan ipegtoladà day kenyo.

1 Korinto 4:1 ပူးပေါင်းရင်းမြစ်များ

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

Tito 1:7

So egseligan sikandin te Timanem mengibing te menge otaw egpemenal, keilangan wedad palos isila kandin. Eked kepakay se otaw egpelangkaw-langkaw, aw mebabaw se pedowan din, aw metiinem, aw egbolaw, aw egpengewarta.

1 Timoteo 3:9

Keilangan metibok se pegpemenal dan so eked kepakay aw egdowa-dowa se aneng-aneng dan tepad te kebenalan impetaga-taga te Timanem kenitadon.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

Efeso 6:19

Pegtawal-tawal kaw heman tepad kanak, amon begayan a te Timanem te kebiyasa te pegtoladà ko te kagi din. Pegtawal-tawal kaw tepad kanak amon wedad lamit ko te pegtoladà ko te Mèpiya Indan tepad ki Cristo, sìyan wedà din petega-tegahi diyà te otaw gebii.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

Roma 16:25

Na, iduyun tadon se Timanem. Sikandin olò se mekelobos te pegsalig niyo diyà kandin pineokit te Mèpiya Indan ipegtoladà ko tepad ki Jesu Cristo, aw pineokit te kebenalan nenamay wedà petega-tegahi te Timanem gebii.

Kolasas 4:3

Pegtawal-tawal kaw heman tepad kenami, amon doen aldaw ibegay te Timanem kenami te pegtoladà day te kagi din, sìyan kebenalan tepad ki Cristo wedà din petega-tegahi gebii. Kineleboso a pa seini tandà te pegtoladà ko te kebenalan sìyan.

2 Korinto 12:6

Pengkey iindan ko se kedita neokitan ko, meneng kenà a iling te wedad inenengen, so iindan ko olò se benal. Meneng eked a duyun te kanak pegkeotawun, so ibeg ko eked peg-aneng-aneng se doma otaw tepad te kèpiya ko melangkaw pa diyà te eg-inangen ko egkitaen dan, aw ipegtoladà ko egdinegen dan.

2 Korinto 11:23

Eg-ikagi dan te sikandan se menge sogounun i Cristo. Iling a te otaw migkebook so iduyun ko se kanak pegkeotawun, meneng siak se ontò sogounun i Cristo. Labi pa dakel se kanak neinang diyà kandan. Tandà te pegtoladà ko te kebenalan, melikit a egkelebosowen. Melikit a egbedasen, eked ko den kebilang. Melikit a agpet egkematay.

Luc. 12:42

Minikagi si Jesus, “Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay kandan te kànen te kelikit te aldaw.

Mat. 24:45

“Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay diyà kandan te kànen te kelikit te aldaw.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

1 Timoteo 3:6

Eked heman kepakay aw inangen egpengibing te simbahan se otaw kaling nemenal ki Cristo, so megpelangkaw-langkaw besi sikandin aw yan ipelumun te Timanem iling ki Satanas.

2 Korinto 6:4

Pengkey eden se inangen ko, ipekità ko te metòlid se keogpà ko, so keilangan metòlid se eg-inangen te menge otaw insogò te Timanem. Impekità ko den iyan pineokit te pegtayod ko te menge kelimahan.

1 Korinto 4:13

Aw bàtan-bàtan kay, egtaba kay te mèpiya. Lamig seini, se aneng-aneng te otaw dini te keneyonan, iling kay te sagbet iagbel so wedad ontong.

1 Korinto 3:5

Eked kepakay aw sikami si Apolos se tekingan niyo, so sogounun kay olò i Jesu Cristo aw migtoladà kay kenyo amon memenal kaw kandin. Tinoman day olò se sogò te Pengolo day.

1 Korinto 2:7

Meneng se medalem kebiyasa ipegtoladà ko, yan se kebiyasa lekat te Timanem wedà din petega-tegahi diyà te otaw kedengan. Meneng te wedà pa peg-inang se Timanem te keneyonan, tapay din den piglalang te doen kelowaan lekat te salà amon domoma kidon kwani kandin.

Mar. 4:11

Minikagi si Jesus, “Sikiyo se pinetega-tegahan te Timanem te kebenalan tepad te peglowan din. Meneng olò pineokit te tegdeyanan se pegtoladà ko te doma otaw

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

Luc. 8:10

Minikagi si Jesus, “Sikiyo se pinetega-tegahan te Timanem te kebenalan tepad te peglowan din. Meneng olò pineokit te tegdeyanan se pegtoladà ko te menge doma otaw amon pengkey tomengteng dan, meneng eked dan kità te kedegdagan niyan. Pengkey domineg dan, meneng eked dan ketaga-taga te kebenalan.”

Luc. 1:2

Se insolat dan, yan se kagi ingkeliwat te menge otaw ontò kimità te kedita te ininang i Jesus lekat te ketebò niyan, so ontò dan kinità se ininang din, aw ingkeliwat dan heman se kagi din diyà kenami.

Roma 11:25

Menge kedowa ko kenà Judiyo, doen kebenalan wedà pa petega-tegahi lamig songkani, meneng ipetaga-taga ko den iyan diyà kenyo amon eked kaw peg-aneng-aneng te sikiyo olò se otaw netaga-taga te kebenalan. Metugul se keditaan te Judiyo songkani. Eked dan taking te Timanem singed aw onà megpesakop se kedita te otaw kenà Judiyo pinemallì te Timanem.

1 Korinto 4:2

So sikami se otaw sineligan din kenyan, keilangan tomolò kay te simogò kenami.