1 Korinto 3:8 - Manobo Sarangani

⁸ Wedad melangkaw diyà te otaw manggas aw otaw megtonggò, so doen ontong ibegay te Timanem diyà te teg sebad-sebad kandan tepad te eg-inangen dan.

1 Korinto 3:8 ပူးပေါင်းရင်းမြစ်များ

Roma 2:6

so doen ibegay din diyà te teg sebad-sebad otaw tepad te ininang dan.

2 Juan 1:8

Yan peg-ahà kaw amon eked pegkewedad se ontong tepad te ininang niyo, meneng kinewaen niyo se ontong te modi aldaw.

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

Impekità 22:12

Minikagi se Pengolo, “Na, lomikò a te eked kenamay, aw doen ontong ibegay ko diyà te kedita te otaw tepad te ininang dan.

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.

1 Pedro 5:4

Aw lomikò si Cristo Pengolo te kedita niyo egpengibing te simbahan, doen mèpiya ontong ibegay din diyà kenyo eked palos pegkedaet te wedad temanan.

Menge Hebreo 6:10

Ontò metòlid se peg-okom te Timanem, aw yan eked din kelibeli se mèpiya ininang niyo tandà te kedakel te pedowan niyo kandin, so migtabang kaw te menge doma sakop te Timanem, aw yan heman se eg-inangen niyo lamig songkani.

Galasya 6:4

Meneng mèpiya aw eneng-enengen te teg sebad-sebad otaw se kandin eg-inangen, so aw megpekeaseb sikandin meg-inang te mèpiya, kenà lekat te eg-inangen te doma otaw se luba din, meneng lekat te kandin eg-inangen.

1 Korinto 3:14

Aw mèpiya se ininang dan kidoen te pinetindegan iling te balay eked kesonog, begayan din dan te ontong.

1 Korinto 3:9

Didowa kay si Apolos se insogò te Timanem meg-inang, aw iling kaw te pawà pinetrebehowan te Timanem kenami. Doma ipolingun ko, iling kaw te balay impeinang te Timanem.

Impekità 2:23

Imetayan ko se kedita te tinoledaan din, amon ketegahan te kedita te otaw egpemenal te siak se netaga-taga te kedita kidoen te pedowan niyo, aw begayan ko se teg sebad-sebad kenyo te ontong tepad te ininang niyo.

1 Korinto 3:7

Kenà melangkaw se otaw manggas. Kenà heman melangkaw se otaw megtonggò. Meneng Timanem se melangkaw, so sikandin se megpetilles te intanem.

1 Korinto 4:15

Pengkey pila gatos se doma otaw megtoladà kenyo tepad ki Cristo, meneng ikà niyo egkelibel te siaken olò se amay niyo, so nemenal kaw ki Cristo pineokit te pegtoladà ko kenyo te Mèpiya Indan.

1 Korinto 9:7

so se otaw megpagod, keilangan doen ontong din. Wedad palos sondalo menogpò te kandin pegkeotawun. Wedad heman otaw eked kaen te pongo te intanem din. Wedad heman otaw telediyaga eked inem te gatas lekat te baka tinonggoan din.

Galasya 6:5

Yan keilangan eneng-enengen te teg sebad-sebad otaw se kandin eg-inangen.

Luc. 19:19

Minikagi se selotan, ‘Inangen ta den gobirnador lomowan diyà te lima lonsod.’