1 Korinto 3:5 - Manobo Sarangani

⁵ Eked kepakay aw sikami si Apolos se tekingan niyo, so sogounun kay olò i Jesu Cristo aw migtoladà kay kenyo amon memenal kaw kandin. Tinoman day olò se sogò te Pengolo day.

1 Korinto 3:5 ပူးပေါင်းရင်းမြစ်များ

2 Korinto 6:4

Pengkey eden se inangen ko, ipekità ko te metòlid se keogpà ko, so keilangan metòlid se eg-inangen te menge otaw insogò te Timanem. Impekità ko den iyan pineokit te pegtayod ko te menge kelimahan.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

2 Korinto 3:6

so sikandin se nemegay te kebiyasa kanak aw migsogò kanak megtoladà te doen kaling peokit ininang din. Kenà punù insolat se ipegkeliwat ko, meneng ipegkeliwat ko se intoladà te Espiritu Santo kanak. Se tapay punù insolat, yan olò se egpetaga-taga te menge otaw te medaet se pedowan dan. Meneng se Espiritu Santo, yan se egpemegay te kaling pedowan.

2 Korinto 11:23

Eg-ikagi dan te sikandan se menge sogounun i Cristo. Iling a te otaw migkebook so iduyun ko se kanak pegkeotawun, meneng siak se ontò sogounun i Cristo. Labi pa dakel se kanak neinang diyà kandan. Tandà te pegtoladà ko te kebenalan, melikit a egkelebosowen. Melikit a egbedasen, eked ko den kebilang. Melikit a agpet egkematay.

2 Korinto 4:7

Iling a te koden wedad keelagà sinolan te bolawan meelagà, so pengkey wedad keelagà ko, meneng insalig te Timanem kanak se pegtoladà te kebenalan tepad ki Cristo amon ketegahan te menge otaw te sikandin se eglekatan te tolos. Kenà iyan lekat kanak.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

2 Korinto 3:3

Si Cristo se migtodà te kenyo pedowan lekat te pegtoladà ko, aw pineokit te tabang te Espiritu Santo wedad temanan din. Ketegahan iyan kenà pineokit te insolat, meneng pineokit te ininang te Espiritu Santo. Insolat iyan kenà kidoen te bato, meneng kidoen te pedowan niyo.

1 Korinto 3:10

Tandà te tabang te Timanem kanak, iling a te otaw biyasa meg-inang te balay. Insawol ko den se petindegan te balay, aw doma otaw se megpedeleg te peg-ipenga te balay sìyan. Meneng pengkey sinu se meg-inang te balay, keilangan meketotok se peg-inang din kenyan.

1 Korinto 12:28

Se kedita tadon egpemenal ki Cristo, tinapid kidon te Timanem te mèpiya, so doen eg-inangen te teg sebad-sebad kenitadon. Monà te kedita, yan se sogounun i Cristo. Se ikedowa, yan se otaw egkeliwat te kagi te Timanem. Se iketelo, yan se otaw megtoladà te kebenalan. Tondog niyan se mekeinang te metolos inang, aw otaw binegayan te kebiyasa amon megpegolì te menge mesakit, aw otaw egpenabang te doma, aw otaw biyasa egpengolo, aw otaw mekeikagi te menge doma kagi eked din kelebeti.

1 Korinto 9:17

Meneng aw lekat te kanak ibeg se pegtoladà ko, yan se ontong ko aw togpoan a. Meneng kenà iyan lekat te kanak ibeg, so insalig te Timanem kanak se pegtoladà te Mèpiya Indan tepad ki Cristo, aw se keluba ko te pegtoladà ko, yan se ontong ko pengkey eked ko sikiyo petogpoi. Pengkey mepakay aw togpoan a te otaw toledaan ko te Mèpiya Indan, meneng eked a palos pemoyò te togpò lekat kandan.

1 Korinto 3:7

Kenà melangkaw se otaw manggas. Kenà heman melangkaw se otaw megtonggò. Meneng Timanem se melangkaw, so sikandin se megpetilles te intanem.

Juan 3:27

Minikagi si Juan, “Wedad mebatog te otaw singed aw isogò sikandin te Timanem.

Luc. 1:2

Se insolat dan, yan se kagi ingkeliwat te menge otaw ontò kimità te kedita te ininang i Jesus lekat te ketebò niyan, so ontò dan kinità se ininang din, aw ingkeliwat dan heman se kagi din diyà kenami.

Mat. 25:15

Doen kwarta imbegay din diyà te teg sebad-sebad kandan tepad te kebiyasa dan. Lima melalan se imbegay din diyà te sebad otaw, aw dowa melalan se imbegay din diyà te doma otaw, aw sebad melalan se imbegay din diyà te doma otaw. Penga niyan, nesayo sikandin.

Kolasas 1:25

Insogò a te Timanem amon megtoladà a te kedita niyo egpemenal, so ibeg din ipetaga-taga ko se kagi din diyà te kedita niyo.

Efeso 3:7

Tandà te tabang te Timanem kanak, ininang a din sogounun megtoladà te Mèpiya Indan pineokit te tolos din.

Ininang 18:24

Doen sebad Judiyo si Apolos lekat te Alejandriya dimateng doton te Efeso. Mèpiya se pegtoladà din aw biyasa sikandin te kagi te Timanem.

Ininang 19:1

Dalem te peg-ogpà i Apolos doton te Korinto, limiyo si Pablo te bontod pesalo doton te Efeso. Netelaan din kidoen se menge tinoledaan.

Roma 15:16

ininang a din sogounun i Jesu Cristo, aw insogò a din doton te menge otaw kenà Judiyo, so pineokit kanak dimateng den kandan se Mèpiya Indan lekat te Timanem. Yan kininawà den dan te Timanem, so ininang dan egpenimanem pineokit te Espiritu Santo.

1 Korinto 3:22

Pengkey siak, aw si Apolos, aw si Pedro, insogò te Timanem se kedita day amon megtabang kenyo. Pengkey eden se ontong dini te keneyonan, pengkey dalem te wedà kaw pa kematay, aw pengkey matay kaw, aw pengkey aldaw seini, aw pengkey modi aldaw, tomalag iyan imbegay te Timanem amon doen ontong niyo,

1 Korinto 16:12

Se kedowa tadon si Apolos, ontò ko pinemoyò te tomaking sikandin te menge doma kedowa domoton kenyo, meneng ibeg din ekon eked pa tagmon doton kenyo. Aw doen ketagad din, yan domoton kenyo.

2 Korinto 4:1

Na, pineokit te keido te Timanem kanak, insogò a din megtoladà aw yan eked a lengà.

2 Korinto 5:18

Lekat te ibeg te Timanem, ininang din se dalan pesalo doton kandin amon megsebad se pedowan tadon te Timanem pineokit ki Cristo. Insogò a din den megtoladà diyà te kedita te otaw te doen den dalan ininang te Timanem pesalo doton kandin, amon megsebad se pedowan tadon diyà kandin pineokit ki Cristo, aw amon pegwedaden din heman se salà tadon. Insalig din kanak se mèpiya indan sìyan amon itoladà ko diyà te menge doma otaw.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

1 Timoteo 1:12

Egpesiontong a diyà te Pengolo tadon si Jesu Cristo, so binegayan a din te keseg amon mekebatog a megtoladà. Egpesiontong a diyà kandin so mig-aneng-aneng sikandin te egkeseligan a, aw ininang a din sogounun din.