1 Korinto 3:13 - Manobo Sarangani

¹³ Meneng aw lomikò si Jesu Cristo, ipekità din te menge otaw aw doen ontong te ininang dan, so ipeokit i Cristo se inang dan diyà te apoy amon ketegahan aw mèpiya iyan.

1 Korinto 3:13 ပူးပေါင်းရင်းမြစ်များ

1 Pedro 1:7

so ibeg te Timanem tomayod kaw te menge kelimahan sìyan amon ipetaga-taga niyo te ontò nelobos se pegsalig niyo diyà kandin. Iling iyan te bolawan tonawen diyà te apoy amon ketegahan aw ontò iyan bolawan. Pengkey meelagà se bolawan, megkewedad iyan te eked kenamay. Meneng labi pa meelagà se pegsalig niyo diyà te Timanem, aw yan ipeokit kaw din diyà te kelimahan amon ketegahan din aw ontò kaw egsalig diyà kandin. Aw meketayod kaw kenyan, iduyun kaw din aw ipelangkaw kaw din te aldaw te peglikò i Jesu Cristo.

Impekità 20:12

Kinità ko se kedita te otaw neantay den lekat te nematay, pengkey melangkaw aw sagkep. Timindeg dan diyà te monà te onsedanan te peglowan. Bineka se menge libro aw sìyan libro sinolatan te ngadan te kedita te otaw binegayan te kaling pedowan wedad temanan. Se insolat kidoen te menge doma libro, yan se indan aw eden se ininang dan te wedà dan pa kematay, aw yan se binasa te peg-okom kandan.

1 Korinto 4:5

Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.

1 Pedro 4:12

Nayan, kedita niyo egkedekelan ko te pedowan, ikà niyo egkepela tandà te kelimahan dimateng den kenyo amon tendaen se pegsalig niyo diyà te Timanem. Ikà niyo eg-aneng-aneng te olò sikiyo se nekeokit kenyan.

2 Pedro 3:10

Tomanen te Pengolo tadon se pakang din. Iling te pegdateng te menenakaw se peglikò te Pengolo tadon, so wedad otaw metaga-taga aw kano likò. Aw domateng se aldaw sìyan, dinegen se logo-logo, so megkewedad se langit. Mesonog heman se aldaw, aw bolan, aw menge bitoen, aw megkewedad se kedita niyan. Tomalag mesonog se tanà aw kedita te ininang dini lanto te tanà.

Roma 2:16

Pegtoladà ko te Mèpiya Indan, egtoladà a te doen pa aldaw domateng aw isogò te Timanem si Jesu Cristo meg-okom te kedita te otaw, so ipetaga-taga din se kedita te ininang tadon pengkey in-eles.

2 Timoteo 1:18

Tapay no netegahan te dakel se tabang din kanak doton te Efeso. Ibeg ko keidowan sikandin te Pengolo tadon te modi aldaw aw lomikò sikandin.

1 Korinto 1:8

Sikandin se megpekagsen te pegpemenal niyo amon wedad salà kitaen din diyà kenyo aw lomikò se Pengolo tadon si Jesu Cristo.

Roma 2:5

Meneng metugul kaw. Wedà kaw pegselsel, aw yan se doun te labi pa medaet se pelumun domateng kenyo te modi aldaw, so pineokit te pelumun din kenyo, ipetaga-taga din te ontò metòlid se peg-okom din,

Luc. 2:35

so ipetaga-taga din aw eden se aneng-aneng te kedita te otaw. Pengkey sikona, Maria, ontò ka kelimahan, so iling te dogsengen se posong nikaw.”

2 Timoteo 3:9

Meneng dàgen dan te eked kenamay, so metaga-taga se kedita te otaw te wedad inenengen dan iling te neinang ki Janes aw si Jambres gebii.

Mat. 10:15

Eneng-enengi niyo se kagi ko kenyo seini. Pengkey ipelumun te Timanem se tege Sodoma aw tege Gomora te modi aldaw tepad te salà dan ontò medaet, meneng labi pa ipelumun te Timanem se otaw eked pegsagman kenyo.”

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

1 Korinto 3:12

Kidoen te pinetindegan sìyan, mebatog inangen se balay bolawan, aw selapì, aw bato meelagà, aw tabla, aw sagbet, aw legami.

2 Timoteo 1:12

aw yan se doun te egpemilangen a songkani. Meneng kenà a egkeyàyà, so netegahan ko aw sinu se sineligan ko. Netegahan ko te mekebatog sikandin meg-ipat kanak dalem te pegtoman ko te insalig din kanak lamig te aldaw te peg-okom din.

2 Timoteo 4:8

aw yan doen den ontong intagò kanak. Yan se ibegay te Pengolo tadon diyà te kedita te otaw eg-eneng-enengen din te metòlid dan aw domateng se aldaw te peg-okom din. Ontò metòlid se peg-okom din, aw kenà olò siaken se begayan din te ontong, meneng begayan din se kedita te otaw migpeliman te peglikò din.

Menge Hebreo 10:25

Pengkey doen menge otaw limengà te pegsimba, meneng keilangan eked kidon peg-iling kandan. Keilangan megpekegsenay kidon te pedowan amon meketayod kidon te pegpeliman. Ontò iyan keilangan songkani so netegahan tadon te lomikò se Pengolo tadon te eked kenamay.

2 Pedro 3:7

Doen aldaw domateng te sonogen din se langit aw tanà egkitaen tadon seini. Olò sikandin mikagi aw yan mesonog. Meneng eked din iyan sonogi singed aw domateng se aldaw te peg-okom din te kedita te otaw wedà pegpesakop diyà kandin, so pegbàtan din dan te apoy.