1 Korinto 3:12 - Manobo Sarangani

¹² Kidoen te pinetindegan sìyan, mebatog inangen se balay bolawan, aw selapì, aw bato meelagà, aw tabla, aw sagbet, aw legami.

1 Korinto 3:12 ပူးပေါင်းရင်းမြစ်များ

2 Timoteo 4:3

Yan se impunù ko kamno, so domateng se aldaw eked keibeg se menge otaw menenalan te kebenalan ipegtoladà. Meibeg dan beling tomaking te medaet ibeg dan, yan mahà dan te menge otaw megtoladà kandan te pengkey eden se ibeg dan penenelanen.

2 Timoteo 3:7

so pengkey eden se itoladà kandan, yan se pemenalen dan, meneng eked dan palos ketaga-taga te kebenalan.

2 Timoteo 2:20

Medita se kinemoloan te telepagan doton te dakel balay te otaw meyaman, so doen telepagan ininang te bolawan, doen ininang te selapì, doen telepagan kayo, aw doen heman iling te koden ininang te tanà. Doen menge telepagan meelagà eked din gemiti singed aw doen otaw gomemaw kandin. Doen heman menge doma telepagan barato eggemiten din te pengkey eden eldawi.

Impekità 21:18

Ininang se alad te bato meelagà iningedanan haspi, aw ininang se lonsod te ontò bolawan metìngaw iling te ispiho.

Impekità 3:18

Nayan, seini se punù ko kenyo. Keilangan ebaten niyo se doen ontò keelagà lekat kanak iling te bolawan kaling ininang, amon ontò kaw megkeyaman. Keilangan ebaten niyo lekat kanak se ontò isampeng te keyèyaan niyo iling te penenaktun wedad kelipà, amon meabat se keyèyaan niyo. Keilangan ebaten niyo heman lekat kanak se ontò meketabang kenyo iling te bebolong mekegolì te mata, amon komità kaw te kebenalan.

1 Pedro 1:7

so ibeg te Timanem tomayod kaw te menge kelimahan sìyan amon ipetaga-taga niyo te ontò nelobos se pegsalig niyo diyà kandin. Iling iyan te bolawan tonawen diyà te apoy amon ketegahan aw ontò iyan bolawan. Pengkey meelagà se bolawan, megkewedad iyan te eked kenamay. Meneng labi pa meelagà se pegsalig niyo diyà te Timanem, aw yan ipeokit kaw din diyà te kelimahan amon ketegahan din aw ontò kaw egsalig diyà kandin. Aw meketayod kaw kenyan, iduyun kaw din aw ipelangkaw kaw din te aldaw te peglikò i Jesu Cristo.

Impekità 2:14

Pengkey induyun ko sikiyo, meneng netegahan ko heman te doen medaet eg-inangen niyo, so doen otaw doton kenyo egtaking te kebolalaw intoladà i Balaam gebii. Migtoladà si Balaam ki Balak te peokit te pegboyo din te menge bowad-bowad i Israel amon lomengà dan te pegtaking dan diyà te Timanem. Binoyo din dan amon komaen dan te pengelapen imbegay diyà te kenà benal timanem, aw amon lomayok dan te kenà kandan esawa.

Menge Hebreo 13:9

Aw doen otaw megtoladà kenyo te sebad kemolò toladà kenà iling te kebenalan tapay intoladà diyà kenyo, ikà niyo egpemenal kenyan. Pineokit te tabang te Timanem, melobos se pegsalig tadon diyà kandin. Eked kelobos se pegsalig tadon diyà kandin pineokit te pegtolò tadon te menge punù ipegtoladà dan tepad te kànen tadon, so kenà egketebangan se menge otaw egtolò te menge punù sìyan.

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

1 Timoteo 6:3

Aw doen otaw sebad se ipegtoladà din kenà iling te kagi lekat te Pengolo tadon si Jesu Cristo, aw kenà heman iling te kebenalan pinemenalan tadon,

Kolasas 2:8

Peg-ahà kaw te menge otaw meg-akal peden kenyo pineokit te kagi dan medalem aw mèpiya dinegen amon tomaking kaw kandan. Meneng wedad ontong te kagi dan, so egtoladà dan olò te ketanem te kemonaan dan gebii aw aneng-aneng te otaw tepad te keneyonan. Kenà lekat ki Cristo se ipegtoladà dan.

2 Korinto 2:17

Kenà a iling te menge doma otaw egtoladà te kagi te Timanem amon mengewarta. Meneng insogò a te Timanem, aw netegahan din te nelobos se pedowan ko te pegtoladà te Mèpiya Indan tepad ki Cristo.

Roma 16:17

Menge kedowa ko, peg-ahà kaw te menge otaw egbaet te pegsebad te pedowan niyo aw egbaet te pegsalig niyo diyà ki Cristo, so kenà iling kenyan se kebenalan intoladà day kenyo. Ikà niyo egtaking kandan.

Ininang 20:30

Doen heman menge doma niyo megtoladà te kagi kenà benal amon tomaking se menge otaw diyà kandan.

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

1 Korinto 3:11

Se pinetindegan te balay insawol ko, yan olò si Jesu Cristo. Wedad doma petindegan mepakay isawol kidoen te balay ipeinang te Timanem.

1 Korinto 3:13

Meneng aw lomikò si Jesu Cristo, ipekità din te menge otaw aw doen ontong te ininang dan, so ipeokit i Cristo se inang dan diyà te apoy amon ketegahan aw mèpiya iyan.