1 Korinto 3:1 - Manobo Sarangani

¹ Menge kedowa ko, doen wedà ko pa toledai kenyo, so kenà kaw iling te otaw ontò egbeyà-beyaan te Espiritu Santo. Iling kaw beling te otaw egtaking te ibeg te kandan pedowan aw otaw kaling timaking ki Cristo.

1 Korinto 3:1 ပူးပေါင်းရင်းမြစ်များ

Menge Hebreo 5:13

Iling te batà egsoso se otaw wedà pa peg-iling te keilangan meg-inang dan te metòlid.

1 Korinto 2:6

Aw ontò egtaking te Timanem se otaw egpenenalan kanak, yan se egtoledaan ko te kebiyasa medalem. Kenà iyan iling te kebiyasa te otaw dini te keneyonan. Kenà heman iling te kebiyasa te otaw eglowan, so pesalo dan megkewedad.

1 Korinto 14:20

Menge kedowa ko, ikà niyo eg-iling te mengisù wedad inenengen. Pengkey mèpiya aw iling kaw te mengisù wedad toig meg-inang te salà, meneng diyà te aneng-aneng niyo, pekitai niyo te metesan kaw den.

Roma 7:14

Netegahan tadon te mèpiya se punù te Timanem so lekat iyan kandin. Meneng doen pa medaet ibeg te pedowan ko. Iling a te allang so eg-inang a te salà.

1 Juan 2:12

Menge batà ko te pegpemenal, simolat a den kenyo so ibeg ko megpeaneng-aneng a kenyo te pigwedad den te Timanem se salà niyo pineokit ki Jesu Cristo.

Galasya 6:1

Menge kedowa ko te pegpemenal, aw doen kitaen niyo sebad otaw egpemenal meg-inang te medaet, mèpiya aw sikiyo menge otaw ontò egbeyà-beyaan te Espiritu Santo se megtabang kandin, amon ibingen niyo sikandin lomikò diyà te pegpenimanem, meneng keilangan mèpiya se pedowan niyo kandin. Ontò kaw pekeahà amon eked kaw heman keboyo i Satanas.

Mat. 16:23

Meneng miniling si Jesus, aw minikagi diyà ki Pedro, “Kesayo ka lekat kanak. Iling ka ki Satanas, so mekeanggà ka kanak. Kenà lekat te Timanem se ibeg no sìyan, meneng lekat iyan te aneng-aneng nikaw.”

1 Korinto 14:37

Aw doen otaw kidoen kenyo meg-aneng-aneng te sikandin se komeliwat te kagi te Timanem, aw doen doma kebiyasa din imbegay te Espiritu Santo kandin, yan keilangan ketegahan din te ontò punù te Pengolo tadon se insolat ko seini.