1 Korinto 2:8 - Manobo Sarangani

⁸ Se menge otaw eglowan dini te keneyonan, wedà dan ketegahi se peglalang te Timanem, so simpana netegahan dan iyan, eked dan peden lensangi se Pengolo melangkaw doton te kros.

1 Korinto 2:8 ပူးပေါင်းရင်းမြစ်များ

Santiago 2:1

Menge kedowa ko, aw egsalig kaw diyà ki Jesu Cristo Pengolo tadon melangkaw, yan keilangan onewaen niyo se pegsagman niyo te kedita te otaw egpemenal, pengkey sagkep aw meyaman.

Ininang 13:27

Meneng se menge otaw doton te Jerusalem aw otaw limowan kandan, wedà dan ketaga-taga te sikandin se Egpelowà. Pengkey binasa dan se kagi insolat te menge telekeliwat te kagi te Timanem doton te simbahan dan te kelikit te simana, meneng wedà dan iyan kelebeti. Mig-okom dan kandin, aw yan netoman se inikagi te telekeliwat te kagi te Timanem.

Ininang 7:2

Timaba si Esteban, kagi din, “Menge kedowa aw emayen ko, penenalan kaw kanak. Gebii pa te peg-ogpà i Abraham doton te Mesopotamya, te wedà pa alin doton te Haran, migpekità se Timanem diyà kandin lekat te langit.

1 Korinto 2:6

Aw ontò egtaking te Timanem se otaw egpenenalan kanak, yan se egtoledaan ko te kebiyasa medalem. Kenà iyan iling te kebiyasa te otaw dini te keneyonan. Kenà heman iling te kebiyasa te otaw eglowan, so pesalo dan megkewedad.

1 Timoteo 1:13

Kedengan te wedà a pa pemenal, migtompuyus a kandin, aw nemilang a te menge sakop din, aw nebensi a kandan. Meneng neidowan a din pa, so peg-inang ko kenyan, wedà a pa pemenal kandin, aw yan wedà ko ketegahi te medaet se ininang ko sìyan.

2 Korinto 3:14

Meneng wedà keleseb se aneng-aneng te menge Judiyo, so magsen se olo dan. Lamig songkani aw besahen dan se libro sinolatan tepad te tapay peokit ininang te Timanem, nebelebagan se aneng-aneng dan so eked dan pa pekelabet. Eked keabat se nekebelabag te aneng-aneng dan singed aw memenal dan ki Jesu Cristo.

Juan 16:3

Meneng memilang dan kenyo so wedà dan ketaga-taga te Amay ko, aw wedà dan heman ketaga-taga kanak.

Juan 8:19

Migtompuyus se menge Parisiyo kandin aw minikagi dan, “Kenan lay se amay nikaw?” Timaba si Jesus, “Wedà niyo ketegahi aw sinu a. Wedà niyo heman ketegahi aw sinu se Amay ko. Aw netegahan niyo aw sinu a, netegahan niyo heman aw sinu se Amay ko.”

Juan 7:48

Wedà kay din keekali, so wedad palos pengolo te simbahan nemenal diyà kandin. Wedad palos heman diyà kenami menge Parisiyo nemenal kandin.

Mat. 11:25

Penga niyan, migtawal-tawal si Jesus, kagi din, “Amà, Pengolo te kedita doton te langit aw dini heman te lanto te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel ontò netegahan, meneng impetaga-taga no den iyan diyà te otaw medanà.

Luc. 23:34

Migtawal-tawal si Jesus tepad te menge otaw miglansang kandin diyà te kros, kagi din, “Amà, pegwedadi se salà dan, so wedà dan ketegahi aw eden se ininang dan seini.” Penga te peglansang dan ki Jesus diyà te kros, pigtalad-talad dan se penenaktun linowas din, aw migbonot dan aw eden se penenaktun meabat te teg sebad-sebad kandan.

Mat. 13:22

Nayan, se benì nesabog diyà te pinonoan te sagbet doen tigis, yan se iling te otaw ontò domineg te kagi te Timanem intoladà. Meneng penga niyan, wedad ontong din so dàgen sikandin te ibeg din tomaking te ketanem te keneyonan, aw ibeg din megkeyaman amon meluba sikandin. Yan se doun te wedad ontong din diyà te kagi te Timanem dinineg din.

1 Korinto 1:20

Wedad den detengan te kebiyasa te otaw eg-ikagi te biyasa dan, aw otaw egtoladà te punù ingkeliwat i Moises, aw otaw teleglawong, so impetaga-taga den te Timanem te kolang pa se kebiyasa te otaw dini te keneyonan.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

Efeso 4:18

Wedà dan ketaga-taga te kebenalan. Wedad kaling pedowan imbegay te Timanem kandan, so wedà dan pemenal te kebenalan, aw magsen se olo dan.