1 Korinto 2:7 - Manobo Sarangani

⁷ Meneng se medalem kebiyasa ipegtoladà ko, yan se kebiyasa lekat te Timanem wedà din petega-tegahi diyà te otaw kedengan. Meneng te wedà pa peg-inang se Timanem te keneyonan, tapay din den piglalang te doen kelowaan lekat te salà amon domoma kidon kwani kandin.

1 Korinto 2:7 ပူးပေါင်းရင်းမြစ်များ

2 Pedro 1:3

Tinebangan kidon te Timanem Metolos amon gayed kidon meketolò te ibeg din dalem te peg-ogpà tadon dini lanto te tanà. Yan se ininang din so netegahan tadon den sikandin. Tinawal kidon din amon mekeakop kidon diyà te kelangkaw din aw kèpiya din.

Mat. 13:35

Pineokit kenyan, tinoman din se kagi te telekeliwat te kagi te Timanem gebii, “Megtoladà a te otaw pineokit te tegdeyanan. Iindan ko diyà kandan se wedà ko petega-tegahi lekat te keteboan te keneyonan.”

Mat. 11:25

Penga niyan, migtawal-tawal si Jesus, kagi din, “Amà, Pengolo te kedita doton te langit aw dini heman te lanto te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel ontò netegahan, meneng impetaga-taga no den iyan diyà te otaw medanà.

1 Pedro 5:10

Pengkey nelimahan kaw den seini, meneng mepenga iyan te eked kenamay. Gayed egtabang se Timanem, aw tinawal kaw din amon megdoma kaw kandin te wedad temanan tandà te pegsebad niyo diyà ki Cristo. Penga te pegtayod niyo te kelimahan, Timanem se meg-inang kenyo mesikop aw domasel, aw sikandin se memegay kenyo te eneg din.

Efeso 1:4

Gebii te wedà pa inangi te Timanem se keneyonan, tapay kidon din pinemallì amon inangen kidon sakop din pineokit ki Cristo, aw amon meg-aneng-aneng se Timanem te metòlid kidon, aw wedad silahen din diyà kenitadon. So dakel se pedowan te Timanem kenitadon,

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.

1 Pedro 1:11

Gebii, ingkeliwat dan se kagi te Timanem te doen kelimahan domateng diyà ki Cristo, aw penga niyan ipelangkaw sikandin, so impeikagi dan te Espiritu Santo. Migpekeaseb dan amon metaga-taga dan peden aw kano iyan ketoman aw menonen se pegketoman niyan.

2 Timoteo 1:9

Impelowà kidon din lekat te salà aw tinawal kidon din amon inangen kidon din menge sakop din. Yan se ininang din kenà tandà te peg-inang tadon te mèpiya, meneng tandà te kandin ibeg aw tabang din kenitadon. Gebii te wedad pa palos ininang din, miglalang sikandin megtabang kenitadon pineokit ki Jesu Cristo.

1 Pedro 5:1

Nayan, doen ipunù ko diyà te kedita niyo egpengibing te simbahan, so siaken heman se sebad egpengibing te simbahan. Kinità ko se pegpemilang ki Cristo kedengan, aw kitaen ko pa heman se kelangkaw din, so lomikò sikandin te eked kenamay.

Roma 8:29

Gebii lekat te keteboan te keneyonan, tapay netaga-taga se Timanem aw sinu se megpesakop diyà kandin. Miglalang sikandin meg-inang kenitadon iling te Batà din si Jesus, so ibeg din meinang se kedita tadon iling te telekedowa, aw meinang si Jesus iling te kakay tadon.

Roma 8:30

Se kedita tadon pinemallì te Timanem amon inangen kidon din iling te Batà din, yan heman se tinawal din. Se kedita tadon tinawal din, yan heman se inaneng-aneng din te metòlid. Se kedita tadon inaneng-aneng din te metòlid, yan se ipelowan din doma kandin.

Roma 11:25

Menge kedowa ko kenà Judiyo, doen kebenalan wedà pa petega-tegahi lamig songkani, meneng ipetaga-taga ko den iyan diyà kenyo amon eked kaw peg-aneng-aneng te sikiyo olò se otaw netaga-taga te kebenalan. Metugul se keditaan te Judiyo songkani. Eked dan taking te Timanem singed aw onà megpesakop se kedita te otaw kenà Judiyo pinemallì te Timanem.

1 Korinto 2:1

Menge kedowa ko, pegdoton ko kenyo kedengan, migtoladà a kenyo te kagi te Timanem, meneng wedà ko iyan peokiti te medalem kagi aw kebiyasa te otaw,

Efeso 3:10

amon pineokit te kedita te otaw egpemenal, ipetaga-taga din den diyà te kedita te melangkaw aw metolos doton te langit te ontò mèpiya se kebiyasa din.

Menge Hebreo 1:2

Meneng songkani, sebad den se ininang te Timanem, so pineokit te Batà din si Jesu Cristo se peg-ikagi din kenitadon. Pineokit heman ki Jesu Cristo se peg-inang te Timanem te keneyonan. Sikandin heman se pinemallì te Timanem amon menig-apò te kedita.

Menge Hebreo 11:3

So egsalig kidon diyà te Timanem, netegahan tadon te olò sikandin minikagi aw yan ininang din se keneyonan, aw eked kitai se ginamit din te peg-inang din te kedita egkitaen tadon.