1 Korinto 2:3 - Manobo Sarangani

³ Peg-ogpà ko doton kenyo, iling te melomay se lawa ko aw tinegangtang a, so nelemitan a aw eked ko ketoman se ibeg te Timanem inangen ko doton.

1 Korinto 2:3 ပူးပေါင်းရင်းမြစ်များ

2 Korinto 13:4

Wedà kulu si Cristo inlansang diyà te kros, meneng neantay sikandin lekat te nematay so doen tolos te Timanem kidoen kandin. Iling a kenyan, so pengkey melomay se lawa ko, meneng kitaen niyo kwani te binegayan a te Timanem te eneg amon megpelumun kenyo.

2 Korinto 13:9

Yan pengkey wedad otaw ipelumun ko doton so migselsel den dan, meneng meluba a aw magsen kaw meg-inang te metòlid. Gayed ko ipegtawal-tawal diyà te Timanem te ontò melobos se pegpemenal niyo.

2 Korinto 10:10

Doen ekon otaw kidoen kenyo eg-ikagi te tabag a ekon mebolot aw neopal a te pegsolat ko kenyo, meneng aw kidoen a doma niyo, iling a ekon te telawun, aw wedad ekon toig ko te pegtoladà.

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

2 Korinto 6:4

Pengkey eden se inangen ko, ipekità ko te metòlid se keogpà ko, so keilangan metòlid se eg-inangen te menge otaw insogò te Timanem. Impekità ko den iyan pineokit te pegtayod ko te menge kelimahan.

2 Korinto 4:16

Yan se doun te wedà a lengà. Pengkey melomay se lawa ko, meneng se pedowan ko gayed egkagsen.

2 Korinto 4:1

Na, pineokit te keido te Timanem kanak, insogò a din megtoladà aw yan eked a lengà.

Ininang 18:12

Pegkeinang i Galio gobirnador doton te Gresya, migsebad se menge Judiyo kenà egpemenal, aw dinakep dan si Pablo, aw inibing dan doton ki Galio amon insaen.

Ininang 18:6

Meneng neopal se menge Judiyo ki Pablo, aw migtompuyus dan kandin. Penga niyan, imbuya-buya i Pablo se saol din amon ketegahan dan te doen salà dan, so wedà dan pemenal. Minikagi sikandin, “Aw ipelumun kaw, inday kenyo aw yan se ibeg niyo. Wedad labut ko. Lekat seini, megtoladà a te menge otaw kenà Judiyo.”

2 Korinto 7:5

Kedengan, pegdateng ko doton te Masidonya, netetana se pedowan ko so wedà pa dateng si Tito lekat kidoen kenyo. Gayed a nelimahan so migdindil se doma otaw, aw netetana a heman tepad kenyo.

Ininang 17:1

Minokit si Pablo aw si Silas doton te Ampipolis aw Apolonya. Dimoton dan te Tesalonika. Doen sebad simbahan te Judiyo kidoen.

Ininang 18:1

Penga niyan, nesayo si Pablo lekat te Atenas aw dimoton te Korinto.

2 Korinto 7:15

Labi pa dakel se pedowan i Tito kenyo seini, so gayed din egkeeneng-enengan se pegtolò te kedita niyo te punù impeibing ko kandin, aw ontò meagka se pedowan niyo migsagman kandin.

Efeso 6:5

Sikiyo menge allang, keilangan ontò kaw tomolò te amo niyo dini lanto te tanà. Keilangan megsagman kaw kandan, aw melobos se pedowan niyo kandan, onawa te pegtolò niyo ki Cristo.