1 Korinto 2:14 - Manobo Sarangani

¹⁴ Meneng se otaw kenà egbeyà-beyaan te Espiritu Santo, yan se otaw eked pekekinawà te ibegay te Espiritu Santo, so aneng-aneng din wedad ontong niyan. Eked din iyan kelebeti, so kelebetan iyan olò aw tebangan kidon te Espiritu Santo.

1 Korinto 2:14 ပူးပေါင်းရင်းမြစ်များ

1 Korinto 1:18

Pengkey eg-aneng-aneng se otaw kenà egpemenal te wedad ontong te kebenalan ipegtoladà ko tepad te pegkematay i Cristo doton te kros, meneng sikitadon egpemenal se netaga-taga te egpelowà den se Timanem te otaw lekat te salà pineokit te pegkematay i Cristo.

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.

1 Korinto 15:46

Kenà monà se kaling lawa doton te langit, meneng monà se lawa tadon dini te tanà, aw penga niyan doen lawa tadon doton te langit.

Judas 1:19

Sikandan se eglekatan te dindil. Egtaking dan te medaet ibeg te otaw dini te keneyonan. Kenà dan egbeyà-beyaan te Espiritu Santo.

Santiago 3:15

Kolang se kebiyasa te otaw iling kenyan, so kenà iyan lekat te Timanem, meneng lekat iyan te medaet ibeg te otaw dini te keneyonan egtaking te menge bosaw.

1 Juan 2:20

Meneng se kedita niyo, binegayan kaw den i Cristo te Espiritu Santo, aw netaga-taga kaw den te kebenalan.

1 Korinto 15:44

Se lawa tadon ilebeng, yan se lawa tadon dini te keneyonan. Meneng aw entayen kidon te Timanem, doen heman kaling lawa ibegay din kenitadon doton te langit. So netegahan niyo den te doen lawa tadon dini te keneyonan, yan ketegahan niyo heman te doen kwani heman kaling lawa tadon doton te langit.

1 Korinto 2:12

Sikitadon egpemenal se binegayan te kebiyasa kenà iling te kebiyasa te otaw dini te keneyonan, meneng Espiritu Santo se imbegay din kenitadon, amon ketegahan tadon se kedita te imbegay din kenitadon.

Juan 12:37

Pengkey kimità dan te ontò medita kepelahan ininang din, meneng wedà dan pa pemenal kandin.

Juan 5:44

Ibeg niyo iduyun kaw te menge doma otaw, meneng eked kaw keibeg iduyun te sebad olò Timanem. Yan se doun te eked kaw pemenal.

Mat. 16:23

Meneng miniling si Jesus, aw minikagi diyà ki Pedro, “Kesayo ka lekat kanak. Iling ka ki Satanas, so mekeanggà ka kanak. Kenà lekat te Timanem se ibeg no sìyan, meneng lekat iyan te aneng-aneng nikaw.”

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Ininang 16:14

Doen sebad bayi si Lydia nenenalan kenami. Tiyatira se tinebolan din. Egpemeligyà sikandin te penenaktun melalag kidoen te Filipos. Gayed sikandin egtolò te ibeg te Timanem. Pegpenenalan i Lydia te intoladà day, migtabang se Pengolo kandin amon memenal ki Jesus.

Juan 8:43

Wedà niyo kelebeti se inikagi ko, so eked kaw keibeg menenalan te kebenalan itoladà ko.

1 Korinto 1:23

Meneng se ipegtoladà day, yan se kebenalan tepad ki Cristo inlansang diyà te kros, pengkey egkebensi se menge Judiyo kenyan, aw eg-aneng-aneng se menge Griego te wedad ontong niyan.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

Ininang 25:19

Meneng kenà, so ibeg dan olò megdindil tepad te ketanem dan aw tepad te sebad otaw nematay si Jesus, meneng minikagi si Pablo te neantay lekat te nematay.

Juan 15:26

“Isogò ko dini kenyo se Teletabang lekat te Amay ko. Yan se Espiritu Santo megtoladà kenyo te kebenalan. Aw domateng sikandin lekat te Amay ko, meg-indan sikandin te kebenalan tepad kanak.

Ininang 18:15

Meneng aw olò kaw megpebelaw-belaway tepad te pegtoladà niyo, aw kemonaan niyo, aw punù egtoloen niyo, sikiyo se meg-osay kenyan, so eked a keibeg meg-osay aw iling kenyan.”

Ininang 17:32

Pegdineg dan te doen neantay lekat te nematay, doen menge otaw nebebayat aw migtompuyus. Meneng minikagi se menge doma, “Toledai kay todà te modi aldaw.”

Juan 10:20

Doen kandan minikagi, “Doen bosaw diyà kandin. Migkebook sikandin. Ikà niyo egpenenalan kandin.”

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

Juan 14:17

Yan se Espiritu Santo egtoladà te kebenalan. Eked sikandin kinewai te menge otaw egtaking te medaet ketanem te keneyonan, so kenà dan egkità kandin, aw kenà dan egketaga-taga aw sinu sikandin. Meneng sikiyo, netaga-taga kaw den kandin, so egdomaan kaw din aw ogpaan kaw te wedad temanan.

1 Korinto 1:21

Wedad otaw metaga-taga te Timanem pineokit te kebiyasa dan. Meneng lekat te kebiyasa te Timanem, miglalang sikandin te ipelowà din se otaw memenal te kebenalan ipegtoladà kandan, pengkey doen otaw eg-aneng-aneng te wedad ontong kenyan.

1 Korinto 1:25

Pengkey lindoan te otaw se kebiyasa te Timanem, meneng yan se ontò pa melangkaw diyà te kebiyasa te otaw. Pengkey mikagi dan te melomay se Timanem, meneng ontò pa sikandin magsen diyà te kagsen te otaw.

1 Korinto 3:1

Menge kedowa ko, doen wedà ko pa toledai kenyo, so kenà kaw iling te otaw ontò egbeyà-beyaan te Espiritu Santo. Iling kaw beling te otaw egtaking te ibeg te kandan pedowan aw otaw kaling timaking ki Cristo.