1 Korinto 2:13 - Manobo Sarangani

¹³ Yan kenà lekat te kebiyasa te otaw se ipegtoladà day, meneng lekat te Espiritu Santo se kagi day, aw yan egtoladà kay te kebenalan tepad te Espiritu Santo diyà te menge otaw egbeyà-beyaan te Espiritu Santo.

1 Korinto 2:13 ပူးပေါင်းရင်းမြစ်များ

1 Korinto 2:4

Pegtoladà ko kenyo te kagi te Timanem, nemenal kaw kanak kenà tandà te kebiyasa te kagi ko, meneng nemenal kaw so kinità niyo se tabang te Espiritu Santo kanak.

1 Korinto 2:14

Meneng se otaw kenà egbeyà-beyaan te Espiritu Santo, yan se otaw eked pekekinawà te ibegay te Espiritu Santo, so aneng-aneng din wedad ontong niyan. Eked din iyan kelebeti, so kelebetan iyan olò aw tebangan kidon te Espiritu Santo.

1 Korinto 1:17

Insogò a i Cristo kenà amon memonyag a, meneng insogò a din amon megtoladà a te Mèpiya Indan tepad kandin. Migtoladà a kenà pineokit te kebiyasa ko, so aw iling kenyan, kebelebagan se pegpemenal te kebenalan tepad te pegkematay i Cristo doton te kros.

1 Korinto 2:1

Menge kedowa ko, pegdoton ko kenyo kedengan, migtoladà a kenyo te kagi te Timanem, meneng wedà ko iyan peokiti te medalem kagi aw kebiyasa te otaw,

1 Pedro 1:12

Meneng impetaga-taga te Timanem kandan te eked ketoman se kagi din ingkeliwat dan tepad ki Cristo te eked dan pa kematay, meneng sikitadon se netomanan te kagi te Timanem ingkeliwat dan. Netoman den iyan aw yan se intoladà diyà kenyo. Se menge otaw migtoladà kenyo te Mèpiya Indan sìyan tepad ki Cristo, tinoledaan dan te Espiritu Santo insogò din lekat te langit. Ontò mèpiya se kebenalan sìyan igsà ibeg te menge anghil metaga-taga dan peden heman tepad kenyan.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

2 Pedro 1:16

Pegtoladà day kenyo tepad te tolos te Pengolo tadon si Jesu Cristo aw tepad te peglikò din dini te tanà, kenà iyan indan-indan lekat te aneng-aneng te otaw. Meneng sikami se kimità te kelangkaw i Cristo.

Efeso 5:19

Yan aw metipon kaw, pegdelangan kaw tandà te keluba te pedowan niyo, amon iduyun se Pengolo tadon.

1 Korinto 14:2

Aw mikagi se otaw te doma kagi eked kelebeti, kenà doma otaw se ikegiyan din kenyan, meneng Timanem se ikegiyan din, so pengkey wedad otaw mekelabet te kagi din, meneng pineokit te Espiritu Santo, ikegiyen din se kebenalan wedà ketegahi te doma otaw.

1 Korinto 9:11

Sikami egtoladà, iling kay te otaw nenanem te pawà, so se kebenalan tepad te Timanem, yan se intanem day kidoen kenyo. Yan kenà medaet aw doen ibegay niyo kenami, sìyan keilangan day te kelikit te aldaw.

Luc. 12:12

so toledaan kaw te Espiritu Santo aw eden se ikegiyen niyo kandan te aldaw sìyan.”

Ininang 2:4

Yan dimateng se Espiritu Santo kandan. Nekeikagi den dan te medita kemolò kagi te doma otaw wedà dan peg-ilingi, so impeikagi dan te Espiritu Santo.