1 Korinto 2:12 - Manobo Sarangani

¹² Sikitadon egpemenal se binegayan te kebiyasa kenà iling te kebiyasa te otaw dini te keneyonan, meneng Espiritu Santo se imbegay din kenitadon, amon ketegahan tadon se kedita te imbegay din kenitadon.

1 Korinto 2:12 ပူးပေါင်းရင်းမြစ်များ

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.

1 Juan 2:20

Meneng se kedita niyo, binegayan kaw den i Cristo te Espiritu Santo, aw netaga-taga kaw den te kebenalan.

Roma 8:1

Yan eked pelumuni te Timanem se kedita te otaw migpesakop diyà ki Jesu Cristo.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Santiago 4:5

Eden niyo aw wedad ketomanan te kagi te Timanem, te insogò din se Espiritu Santo meg-ogpà diyà te pedowan tadon, aw ibeg din ontò melobos se pedowan tadon diyà kandin.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

Impekità 22:6

Minikagi se anghil kanak, “Ontò benal se kedita te kagi dinineg no, aw metoman iyan meinang, so se Timanem migpekeliwat te kagi din pineokit te telekeliwat din gebii, yan se Pengolo simogò te anghil din amon ketegahan te kedita te sakop din aw eden se meinang te eked kenamay.”

1 Korinto 3:22

Pengkey siak, aw si Apolos, aw si Pedro, insogò te Timanem se kedita day amon megtabang kenyo. Pengkey eden se ontong dini te keneyonan, pengkey dalem te wedà kaw pa kematay, aw pengkey matay kaw, aw pengkey aldaw seini, aw pengkey modi aldaw, tomalag iyan imbegay te Timanem amon doen ontong niyo,

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

1 Korinto 2:6

Aw ontò egtaking te Timanem se otaw egpenenalan kanak, yan se egtoledaan ko te kebiyasa medalem. Kenà iyan iling te kebiyasa te otaw dini te keneyonan. Kenà heman iling te kebiyasa te otaw eglowan, so pesalo dan megkewedad.

1 Korinto 1:27

Meneng pinemallì te Timanem se menge otaw wedad kebiyasa dini te keneyonan amon meyàyà se otaw eg-aneng-aneng te dakel se kebiyasa dan. Pinemallì din heman se menge otaw wedad dengeg amon meyàyà se otaw nedengeg.

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.