1 Korinto 2:10 - Manobo Sarangani

¹⁰ Kedengan, wedà petega-tegahi te Timanem se integilan din kenitadon, meneng impetaga-taga din den iyan kenitadon pineokit te Espiritu Santo, so netegahan te Espiritu Santo se kedita te aneng-aneng te Timanem pengkey medalem.

1 Korinto 2:10 ပူးပေါင်းရင်းမြစ်များ

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Efeso 3:5

Wedà iyan petega-tegahi te Timanem diyà te menge kemonaan tadon. Meneng pineokit te Espiritu Santo, impetaga-taga din den se kebenalan diyà kenami pinemallì din menge sogounun i Cristo aw menge telekeliwat te kagi din.

Luc. 10:21

Nayan, dakel se luba imbegay te Espiritu Santo ki Jesus, aw yan se doun te migtawal-tawal sikandin, kagi din, “Amà, Pengolo te kedita doton te langit aw dini heman te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel netegahan, meneng impetaga-taga no den iyan diyà te otaw medanà. Iduyun ta Amà, so lekat iyan te ibeg nikaw ontò mèpiya.”

Efeso 3:3

Netegahan niyo den heman te doen kebenalan impetaga-taga te Timanem diyà kanak pengkey wedà iyan petega-tegahi gebii. Simolat a den te mebabà olò tepad kenyan diyà te solat ko seini.

Galasya 1:12

so wedad otaw migtoladà te Mèpiya Indan diyà kanak, meneng impetaga-taga i Jesu Cristo kanak se Mèpiya Indan seini.

Mat. 16:17

Minikagi si Jesus, “Simon, batà i Juan, doen ontò keluba nikaw. Kenà otaw se migpetaga-taga diyà kamno te siak se Batà te Timanem, meneng Amay ko doton te langit se migpetaga-taga kenyan diyà kamno.

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

Juan 16:13

Meneng aw domateng se Espiritu Santo amon megtoladà te kebenalan, sikandin se megpetaga-taga kenyo te kedita te kebenalan. Eked din teboki se pegtoladà din kenyo, meneng kedita te intoladà te Amay ko kandin, yan se ikeliwat din heman kenyo. Iindan din heman kenyo aw eden se metoman domateng.

1 Pedro 1:12

Meneng impetaga-taga te Timanem kandan te eked ketoman se kagi din ingkeliwat dan tepad ki Cristo te eked dan pa kematay, meneng sikitadon se netomanan te kagi te Timanem ingkeliwat dan. Netoman den iyan aw yan se intoladà diyà kenyo. Se menge otaw migtoladà kenyo te Mèpiya Indan sìyan tepad ki Cristo, tinoledaan dan te Espiritu Santo insogò din lekat te langit. Ontò mèpiya se kebenalan sìyan igsà ibeg te menge anghil metaga-taga dan peden heman tepad kenyan.

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.

1 Korinto 2:11

Eneng-enengi niyo ini. Wedad palos otaw meketaga-taga te aneng-aneng te doma otaw, so yan olò se ketegahan din se kandin aneng-aneng. Iling heman kenyan, wedad palos otaw meketaga-taga te aneng-aneng te Timanem, so olò Espiritu Santo se egketaga-taga kenyan.

1 Juan 2:20

Meneng se kedita niyo, binegayan kaw den i Cristo te Espiritu Santo, aw netaga-taga kaw den te kebenalan.

1 Korinto 14:30

Meneng aw doen ipekità te Timanem diyà te sebad otaw, ipetunung onà se monà migtoladà.

Luc. 2:26

aw impetaga-taga te Espiritu Santo kandin te eked sikandin kematay singed aw onà din kitaen se Misiyas isogò te Pengolo.

Impekità 1:1

Seini se impekità i Jesu Cristo. Ingkeliwat din ini lekat te Timanem diyà te kedita tadon egtolò kandin, amon metaga-taga kidon aw eden se metoman domateng te eked kenamay. Siak si Juan sebad sakop i Jesu Cristo. Doen anghil insogò din amon ipetaga-taga din ini kanak.

1 Timoteo 4:1

Mebangal se intoladà te Espiritu Santo te doen menge otaw somoway lekat te pegsalig dan ki Cristo aw agpet se temanan te keneyonan. Meneng tomolò dan te bosaw biyasa eg-akal, aw memenal dan te kebolalaw itoladà te bosaw.

Impekità 2:24

Doen pa ikegiyen ko diyà te kedita niyo tege Tiyatira wedà taking te medaet intoladà te bayi sìyan, diyà te kedita niyo wedà peg-iling te egtewalen din kebiyasa, meneng lekat iyan ki Satanas. Wedad den doma ipunù ko kenyo,