1 Korinto 16:9 - Manobo Sarangani

⁹ so ontò measeb se otaw dini menenalan te itoladà ko, aw doen pa medita inangen ko, pengkey medita se otaw meibeg megsagda kanak.

1 Korinto 16:9 ပူးပေါင်းရင်းမြစ်များ

2 Korinto 2:12

Nayan, pegdoton ko te Troas amon megtoladà a te Mèpiya Indan tepad ki Cristo, kinità ko te doen dalan impetagad te Pengolo kanak amon megtoladà a.

Kolasas 4:3

Pegtawal-tawal kaw heman tepad kenami, amon doen aldaw ibegay te Timanem kenami te pegtoladà day te kagi din, sìyan kebenalan tepad ki Cristo wedà din petega-tegahi gebii. Kineleboso a pa seini tandà te pegtoladà ko te kebenalan sìyan.

Ininang 14:27

Pegdateng dan doton te Antyokya, pigtipon dan se kedita te otaw egpemenal amon meg-indan dan te kedita te ininang te Timanem pineokit kandan, so tinebangan dan te Timanem te peg-indan dan te menge otaw kenà Judiyo, aw yan nemenal dan heman te kagi te Timanem.

Filipos 3:18

Doen melikit ko in-indan kenyo, meneng pengkey mekepuluk te pedowan ko, sobloden ko pa iyan seini. Doen menge otaw egpetaga-taga te egkebensihan dan se pegkematay i Cristo doton te kros pineokit te medaet eg-inangen dan.

1 Korinto 15:32

Dini te Efeso, ontò mebolot se otaw, so iling a te migbolaw te menenanap te kebenesan, so kenà dan egtolò te toladà ko. Meneng wedad ontong te pegtayod ko kenyan aw simpana eked palos entayi se otaw nematay. Simpana wedad keentayan, labi pa mèpiya aw tomaking kidon te otaw eg-ikagi te mepakay aw olò kidon komaen aw minem so agpet kidon den matay.

2 Korinto 1:6

Neketayod a pa te kelimahan amon meketabang a kenyo, aw amon mekelowà kaw lekat te kelimahan. Tinebangan a te Timanem amon meketabang a heman kenyo. Metoman iyan aw meketayod kaw te kelimahan iling te neokitan ko.

Santiago 5:16

Aw doen salà ininang niyo diyà te doma otaw, keilangan meg-indan kaw kandin amon pegwedaden din. Pegtawal-tawal kaw heman tepad te menge doma niyo amon kegolian dan, so ontò dakel se mebatog te pegtawal-tawal te otaw eneng-enengen te Timanem te metòlid.