1 Korinto 15:9 - Manobo Sarangani

⁹ Siaken se ontò medanà diyà te kedita te sogounun i Cristo. Eked a peden tewali sogounun i Cristo, so kedengan te wedà a pa pemenal ki Cristo, gayed a egpemilang te menge otaw egpemenal te Timanem.

1 Korinto 15:9 ပူးပေါင်းရင်းမြစ်များ

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.

Ininang 8:3

Nemilang si Saulo te menge otaw egpemenal, aw timeped te menge balay dan amon dekepen din dan aw kelebosowen, pengkey meama aw bayi.

Galasya 1:23

Meneng dinineg dan olò diyà te menge doma otaw eg-ikagi, “Kedengan, se otaw sida, ontò din egpemilangen se kedita tadon egpemenal ki Jesus. Ibeg din kedengan, ipeimatay se kedita tadon, meneng songkani sikandin den ekon se migtoladà te pegpemenal ki Jesus.”

Filipos 3:6

Ontò a measeb igsà nemilang a te menge otaw egpemenal ki Cristo. Ontò metòlid se pegtolò ko te menge punù ingkeliwat i Moises igsà wedad palos punù linèpangan ko.

Galasya 1:13

Dinineg niyo den se kanak keogpà dalem te pegtaking ko te ketanem te menge Judiyo. Ontò ko pinemilang se menge otaw nemenal te Timanem, aw ibeg ko ipeimatay se kedita dan.

2 Korinto 11:5

Na, tepad te sìyan menge otaw doton kenyo eg-ikagi te sikandan se ontò benal sogounun i Cristo, eden niyo aw sikandan se labi pa melangkaw diyà kanak.

1 Korinto 10:32

Keilangan mèpiya se kedita te eg-inangen niyo amon eked pegkedaet se pedowan te doma otaw, pengkey Judiyo aw kenà Judiyo, pengkey otaw egpemenal te Timanem.