1 Korinto 15:52 - Manobo Sarangani

⁵² Tigbayà iyan meinang te sebad pegpulà-pulà. Meinang iyan aw dinegen se peg-edop te bodyong ipetaga-taga te dimateng den se temanan. Aw edopen se bodyong, penga niyan entayen te Timanem se nematay diyà te kaling lawa eked palos kematay. Aw sikitadon wedà pa kematay, inangen heman kaling se lawa tadon,

1 Korinto 15:52 ပူးပေါင်းရင်းမြစ်များ

Mat. 24:31

Ipeedop ko se bodyong, aw isogò ko se menge anghil, aw tiponen dan se kedita te otaw pinemallì ko lekat te kebelad te keneyonan, pengkey kenan dan peg-ogpà.”

Juan 5:25

Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

Juan 5:28

Ikà niyo egkepela te kagi ko seini, so doen aldaw domateng aw domineg se kedita te otaw nematay te tawal ko kandan.

2 Pedro 3:10

Tomanen te Pengolo tadon se pakang din. Iling te pegdateng te menenakaw se peglikò te Pengolo tadon, so wedad otaw metaga-taga aw kano likò. Aw domateng se aldaw sìyan, dinegen se logo-logo, so megkewedad se langit. Mesonog heman se aldaw, aw bolan, aw menge bitoen, aw megkewedad se kedita niyan. Tomalag mesonog se tanà aw kedita te ininang dini lanto te tanà.

1 Korinto 15:42

Iling heman kenyan aw entayen te Timanem se otaw nematay, so se lawa tadon dini te keneyonan, yan se kemolò te lawa matay aw ilebeng. Meneng se lawa meantay, yan se kemolò te lawa eked palos kematay.

Impekità 8:13

Penga niyan, kinità ko se banog limayang kidoen te tengà-tengà te langit aw tanà. Dinineg ko se kagi niyan, so timawal iyan te meketelo te dakel se kagi din, “Ontò mekelelayò se otaw eg-ogpà kidoen te tanà.” Minikagi iyan heman, “Ontò medaet se puluk domateng kandan, so agpet den meg-edop se telo mendad anghil te bodyong.”

1 Korinto 15:50

Menge kedowa ko, seini se kedegdagan te inikagi ko. Se lawa tadon seini dini te tanà, eked palos pekeakop diyà te peglowan te Timanem, so se lawa tadon egkematay, eked peketayod te wedad temanan.

Impekità 8:2

Penga niyan, kinità ko se pito anghil egtelaban te Timanem, aw doen pito bodyong imbegay kandan.

1 Korinto 15:23

Entayen kidon te Timanem te aldaw pinemallì din, so onà inantay si Cristo, aw penga niyan te peglikò din dini te keneyonan, entayen se kedita tadon menge sakop din.

1 Tesalonika 4:15

Se itoladà day kenyo seini, yan se impetaga-taga te Pengolo tadon kenami. Aw domateng se aldaw te peglikò te Pengolo tadon, kenà sikitadon wedà pa kematay se mekeonà megkità kandin, so mekeonà se menge otaw egpemenal nematay den.