1 Korinto 15:3 - Manobo Sarangani

³ Se intoladà te Timanem kanak, yan se ingkeliwat ko heman diyà kenyo. Seini se kebenalan ontò melangkaw te kedita. Nematay si Cristo amon megpelowà kenitadon lekat te salà, aw yan netoman se kagi te Timanem tapay insolat gebii.

1 Korinto 15:3 ပူးပေါင်းရင်းမြစ်များ

1 Pedro 2:24

Pegkematay din doton te kros, inibing din se kedita te salà tadon amon mekelowà kidon lekat te salà aw amon mekeinang kidon te metòlid. Pineokit te pegpelumun kandin, migkèpiya kidon den.

Galasya 1:4

Lekat te kandin ibeg, nematay si Cristo amon meabat se kedita te salà tadon, amon eked kidon taking te menge otaw eg-inang te medaet dini te keneyonan. Timolò si Cristo mig-inang kenyan, so yan se ibeg te Timanem Amay tadon.

1 Juan 2:2

Sikandin se simelilin kenitadon inimetayan amon pegwedaden te Timanem se menge salà tadon. Kenà olò kenitadon salà se pegwedaden din, meneng salà te kedita te otaw te keneyonan se pegwedaden din.

Galasya 1:12

so wedad otaw migtoladà te Mèpiya Indan diyà kanak, meneng impetaga-taga i Jesu Cristo kanak se Mèpiya Indan seini.

Roma 4:25

Nematay si Jesus amon ipelowà kidon lekat te salà tadon. Inantay heman sikandin te Timanem lekat te nematay amon eneng-enengen din te metòlid kidon.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

1 Korinto 11:23

Seini se intoladà te Pengolo kanak, sìyan ingkeliwat ko kenyo kedengan tepad te peg-aneng-aneng te pegkematay te Pengolo. Te delem te wedà pa dekepi si Jesus, nengabat sikandin te pan,

Ininang 3:18

Yan netoman se kagi te Timanem ingkeliwat te kedita te telekeliwat din gebii, te pemilangen aw imetayan se Misiyas isogò din.

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

1 Pedro 1:11

Gebii, ingkeliwat dan se kagi te Timanem te doen kelimahan domateng diyà ki Cristo, aw penga niyan ipelangkaw sikandin, so impeikagi dan te Espiritu Santo. Migpekeaseb dan amon metaga-taga dan peden aw kano iyan ketoman aw menonen se pegketoman niyan.

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”

Roma 3:25

Si Jesus se insogò te Timanem amon matay sikandin somelilin kenitadon. Pineokit te dipanog din, pegwedaden te Timanem se salà te otaw memenal kandin. Yan se ininang te Timanem amon ipetaga-taga din kenitadon te metòlid se eg-inangen din. Tandà te kelayat te pedowan din, wedà din tagmon pelumuni se otaw nekesalà kedengan.

Mat. 26:28

so seini se dipanog ko, aw pineokit kani, doen den kaling peokit pesalo doton te Timanem. Pineokit te pegkematay ko, pegwedaden din se salà te ontò medita otaw.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

Menge Hebreo 5:3

So egpekesalà heman sikandin, yan keilangan doen ayam-ayam imetayan din tandà te kandin salà, iling te pegpengimatay din te ayam-ayam tandà te salà te menge doma otaw.

Menge Hebreo 5:1

Aw pemellien te menge Judiyo se otaw meinang telekagon dan diyà te Timanem, sikandin se seligan te menge doma otaw amon megkagon kandan diyà te Timanem. Sikandin se egkinawà te menge ibowang dan diyà te Timanem. Sikandin heman se egbegayan dan te ayam-ayam imetayan tandà te salà ininang dan.

1 Korinto 11:2

Na, mèpiya se ininang niyo, so gayed a niyo egkeeneng-enengan, aw egtekingan niyo heman se ketanem intoladà ko kenyo.

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Mat. 26:24

Metoman a imetayan, so yan se insolat gebii tepad kanak Timanem Migpekeotaw. Meneng mekelelayò se otaw megtolok kanak. Mèpiya peden aw wedà sikandin tebaw.”

Luc. 24:25

Penga niyan, minikagi si Jesus, “Tay law. Nepela a kenyo, so wedà kaw pa pemenal te kedita te inikagi te menge telekeliwat te kagi te Timanem gebii.

Ininang 8:32

Nayan, seini se kagi te Timanem binasa te tege Etyopya. “Iling sikandin te karniro inibing amon iyawen. Iling heman sikandin te nati te karniro kenà eg-ikagi aw gontingan se bolbol, so pengkey kelimahan sikandin, meneng wedad palos kagi din.

Ininang 17:2

Migsimba si Pablo so yan se ketanem din. Migtoladà sikandin te kagi te Timanem kidoen te simbahan te kelikit te Sebado taman te telo simana.