1 Korinto 14:3 - Manobo Sarangani

³ Meneng aw komeliwat se otaw te kagi te Timanem, doma otaw se ikegiyan din kenyan, amon ketebangan din se pegsalig dan te Timanem, aw amon entagen din heman se pedowan dan, aw amon meketayod dan heman te kelimahan.

1 Korinto 14:3 ပူးပေါင်းရင်းမြစ်များ

1 Korinto 14:12

Sikiyo heman, aw meibeg kaw te kebiyasa ibegay te Espiritu Santo, yan mèpiya aw keibegan niyo se kebiyasa meketabang te menge doma niyo egsimba.

1 Timoteo 4:13

Dalem te eked a pa pekedoton kamno, pegbasa ka gayed te kagi te Timanem diyà te menge otaw kidoen, aw pegtoladà ka kandan, aw pegsoblod ka te menge kebenalan.

Judas 1:20

Meneng menge kedowa ko egkedekelan ko te pedowan, keilangan megpekegsenay kaw amon melobos se pegsalig niyo diyà te Timanem. Pegtawal-tawal kaw pineokit te tabang te Espiritu Santo kenyo.

Tito 1:9

Aw megtoladà sikandin, eked kepakay aw somoway lekat te kebenalan ipegtoladà tadon. Aw keseligan se pegtoladà din te ontò kebenalan, ketebangan se menge otaw menenalan te itoladà din, aw ipetaga-taga din heman se kemalì te menge otaw egpoon te kebenalan.

Efeso 6:22

Isogò ko den sikandin doton kenyo amon metaga-taga kaw tepad te peg-ogpà day dini, aw amon meluba se pedowan niyo.

2 Timoteo 4:2

Pegtoladà ka te kagi te Timanem. Keilangan megpeketagad ka megtoladà kenyan pengkey meibeg aw eked keibeg se menge otaw menenalan. Pegpetaga-taga ka diyà te menge otaw te kemalì dan. Pegsagda ka te otaw eg-inang te medaet. Peg-antag ka te pedowan te menge otaw kenà melobos se pedowan dan. Keilangan gayed medalem se pedowan no dalem te pegtoladà no kandan.

Tito 2:6

Iling heman kenyan se itoladà no diyà te menge kaling meama. Pegtoladà ka kandan te keilangan megpetikbel dan.

1 Korinto 14:31

Aw yan se inangen niyo, meketoladà se kedita te telekeliwat te kagi te Timanem te petibos-tibosay, amon mekeiling se kedita niyo megsimba, aw meantag heman se pedowan te kedita niyo timaking ki Cristo.

1 Korinto 14:26

Nayan menge kedowa ko, aw metipon kaw megsimba, seini se mèpiya inangen niyo. Doen megdelangan tepad te pegduyun te Timanem. Doen heman doma megtoladà. Doen heman doma meg-indan te kebenalan impekità te Timanem kandin. Se doma mikagi te kagi eked kelebeti, aw meg-obad heman se doma kenyan. Inangi niyo ini amon ketebangan se kedita niyo egtaking ki Cristo.

Roma 14:19

Nayan, pengkey eden se inangen tadon, keilangan eneng-enengen tadon amon eked kebàti se kelinaw te pedowan tadon, amon megpetebangay kidon te pegtaking tadon ki Cristo.

Ininang 13:15

Migbasa se egpengibing te simbahan te kagi te Timanem insolat i Moises aw menge doma telekeliwat te kagi te Timanem. Penga niyan, nemoyò se egpengibing te simbahan diyà ki Pablo aw si Bernabe, kagi dan, “Menge kedowa day, aw doen itoladà niyo diyà te kedita day netipon, mepakay aw megtoladà kaw den.”

Tito 2:9

Pegtoladà ka te menge allang te keilangan tomolò dan te punù te amo dan amon meluba dan kandan. Keilangan eked dan pegketugul.

1 Tesalonika 2:3

Kenà kebolalaw se ipegtoladà day. Kenà heman medaet se tod day. Kenà heman amon meg-akal kay kenyo.

1 Korinto 10:23

Pengkey mepakay aw inangen ko se kedita mepakay diyà te Timanem, meneng eked a, so wedad ontong te kedita niyan. Pengkey doen mepakay tadon inangen, meneng eked tadon iyan inangi, so eked tadon ketebangi se menge doma otaw egpemenal.

1 Pedro 5:12

Si Silas se migtelaban kanak te pegsolat ko kani. Sikandin se kedowa tadon te pegpemenal, aw netegahan ko te egkeseligan sikandin. Pengkey pilabok se kagi ko kenyo seini, meneng impesolat ko ini amon meantag se pedowan niyo. Ibeg ko ketegahan niyo te seini se kebenalan ingkeliwat ko diyà kenyo tepad te tabang te Timanem kenitadon. Peg-aneng-aneng kaw gayed tepad kenyan.

Menge Hebreo 13:22

Menge kedowa ko, ibeg ko menenalan kaw te kedita te insolat ko den diyà kenyo amon ketebangan kaw, so pilabok se kagi ko kenyo seini.

Menge Hebreo 10:25

Pengkey doen menge otaw limengà te pegsimba, meneng keilangan eked kidon peg-iling kandan. Keilangan megpekegsenay kidon te pedowan amon meketayod kidon te pegpeliman. Ontò iyan keilangan songkani so netegahan tadon te lomikò se Pengolo tadon te eked kenamay.

Tito 2:15

Se kedita te insolat ko seini, yan se keilangan itoladà no diyà te menge otaw doton. Pegpunù ka kandan aw pegsagda ka kandan pineokit te kelangkaw imbegay te Timanem kamno. Eked kepakay aw lindoan ka te doma otaw.

1 Timoteo 6:2

Aw egpemenal se amo dan ki Cristo, eked kepakay aw eked tolò se allang kandin pengkey telekedowa dan diyà ki Cristo. Meneng keilangan labi pa ontò mèpiya se eg-inangen te allang, so pineokit kenyan, egtebangan dan se otaw egpemenal ki Cristo aw egkedekelan te Timanem te pedowan. Keilangan megtoladà ka kenyan aw megsoblod ka kenyan diyà te menge otaw egpemenal.

1 Timoteo 1:4

Pegpunù ka kandan te keilangan eked dan pemenal te kebolalaw ingkeliwat te menge kemonaan dan, aw keilangan eked dan salig diyà te menge indan-indan tepad te menge monà otaw, so yan se lekatan te dindil. Pineokit kenyan, eked kidon ketaga-taga aw eden se eg-inangen te Timanem, so ketegahan iyan olò pineokit te pegpemenal tadon te Timanem.

2 Tesalonika 3:12

Seini se ipunù day aw pemoyoen day kandan tandà te pegsebad tadon diyà te Pengolo tadon si Jesu Cristo. Keilangan metingen dan aw megterbaho dan amon doen ibayad dan te kandan kelidoan.

1 Tesalonika 4:18

Yan pegpetaga-taga kaw te menge otaw nemetayan te inikagi ko seini amon mesinalay dan.

1 Tesalonika 4:1

Nayan menge kedowa day, migtoladà kay kenyo te keilangan metòlid se eg-inangen niyo amon meluba se Timanem kenyo. Yan se ininang niyo. Meneng tandà te pegsebad tadon diyà te Pengolo tadon si Jesus, ontò kay den memoyò kenyo te gayed kaw megpekeaseb meg-inang te metòlid.

1 Tesalonika 3:2

aw yan insogò day si Timoteo doton kenyo. Sikandin se kedowa tadon sineligan heman te Timanem te pegtoladà te Mèpiya Indan tepad ki Cristo. Insogò day sikandin meg-antag te pedowan niyo amon melobos se pegtaking niyo te Timanem,

1 Tesalonika 2:11

Netegahan niyo heman te mèpiya se ininang day diyà te teg sebad-sebad kenyo, iling te eg-inangen te mèpiya amay diyà te menge batà din.

Kolasas 4:8

Isogò ko sikandin doton kenyo, amon entagen din se pedowan niyo pineokit te peg-indan din kenyo tepad te keogpà day.

Efeso 4:29

Ikà niyo palos eg-ikagi te medaet diyà te doma otaw. Meneng keilangan mèpiya se ikegiyen niyo diyà te doma otaw amon megkagsen dan aw ketebangan dan pineokit te kagi niyo. Aw meketepad se kagi niyo, yan ketebangan se otaw domineg kenyo.

2 Korinto 2:7

Mèpiya aw pegwedaden niyo den se salà ininang din. Sinelayi niyo se pedowan din amon eked sikandin lengà te pegpemenal so pelaban nelidò se pedowan din.

2 Korinto 1:4

Pengkey eden se kelimahan ko, ontò a din egtebangan. Yan pengkey eden se kelimahan te doma otaw, meketabang a heman kandan pineokit te tabang imbegay te Timanem kanak.

1 Korinto 14:17

Pengkey ontò mèpiya se pegpesiontong niyo diyà te Timanem, meneng eked ketebangi se menge doma otaw.

1 Korinto 8:1

Nayan, tomaba a te insà niyo tepad te pegkaen niyo te pengelapen imbegay diyà te inotaw egseligan te otaw kenà egsalig te Timanem. Ontò benal se inikagi niyo te netegahan te kedita tadon se kebenalan tepad te pegkaen te pengelapen imbegay diyà te inotaw. Meneng ikà niyo egkelibel kani. Aw meg-aneng-aneng kaw te netegahan niyo se kedita, yan se kelekatan te pegduyun niyo te kenyo pegkeotawun, meneng medaet iyan. Meneng aw megpedekelay kaw te pedowan, yan se kelekatan te pegpetebangay niyo tepad te pegtaking niyo te Pengolo tadon.

Roma 15:2

Keilangan meg-aneng-aneng se teg sebad-sebad kenitadon aw eden se meketabang te doma otaw, amon melobos se pegsalig dan diyà ki Cristo.

Roma 12:8

Aw biyasa kaw egpekagsen te pedowan te doma otaw egpemenal, yan se keilangan inangen niyo. Aw ibeg te Timanem memegay kaw diyà te doma otaw nelimahan, keilangan bowasag kaw kandan. Aw inangen kaw te Timanem pengolo diyà te doma otaw, keilangan measeb kaw te pegpengolo niyo. Aw isogò kaw te Timanem menabang te doma otaw nelidò, keilangan meluba se pedowan niyo te pegtabang niyo kandan.

Ininang 15:32

Nenamay migtoladà si Judas aw si Silas te menge otaw egpemenal, so telekeliwat dan te kagi te Timanem. Inantag dan se pedowan te menge otaw egpemenal amon melobos se pedowan dan diyà te Timanem.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Ininang 9:31

Penga niyan, wedad den migsamok te otaw egpemenal doton te kedita te lonsod te Judiya aw Galiliya aw Samarya. Nelobos se pedowan dan, aw timolò dan te Pengolo, aw migtabang se Espiritu Santo kandan.

Luc. 3:18

Iling kenyan se pegtoladà i Juan te Mèpiya Indan diyà te kedita te otaw, aw minikagi diyà kandan te keilangan tomolò dan te intoladà din.

Menge Hebreo 3:13

Yan keilangan megpekegsenay kaw te kelikit te aldaw dalem pa te doen aldaw, amon wedad metugul kenyo pineokit te peg-akal kenyo meg-inang te salà,

Ininang 4:36

Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)