1 Korinto 13:9 - Manobo Sarangani

⁹ Wedà pa kesikop se netegahan tadon, aw kenà pa botong se pegkeliwat tadon te kagi te Timanem.

1 Korinto 13:9 ပူးပေါင်းရင်းမြစ်များ

1 Korinto 13:12

Songkani, se pegketaga-taga tadon, yan se iling te bawa kitaen tadon diyà te ispiho eked ontò kebangal. Meneng doen kwani aldaw domateng, bawa i Cristo se ontò tadon kitaen. Pengkey wedà pa kesikop se netegahan ko, meneng domateng kwani se aldaw mesikop se netegahan ko iling te pegketaga-taga te Timanem kanak.

1 Korinto 8:2

Aw meg-aneng-aneng se otaw te netegahan din se kedita, kolang pa se pegketaga-taga din.

1 Korinto 2:9

So doen kagi te Timanem insolat, “Doen integilan te Timanem ibegay din diyà te kedita te otaw dakel se pedowan dan kandin, aw labi pa iyan mèpiya diyà te pengkey eden se dinineg tadon, aw kinità tadon, aw neeneng-enengan tadon.”

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

1 Juan 3:2

Menge kedowa egkedekelan ko te pedowan, batà kidon den te Timanem. Pengkey wedà tadon pa ketegahi aw eden se keilingan tadon te modi aldaw, meneng netegahan tadon te mekeiling kidon ki Cristo aw lomikò sikandin, so ontò tadon sikandin kitaen.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

Roma 11:34

so doen kagi te Timanem insolat, “Wedad palos otaw netaga-taga aw eden se aneng-aneng te Pengolo tadon. Wedad heman palos otaw migtoladà kandin.

1 Korinto 13:10

Meneng aw domateng se modi aldaw, aw metoman se kedita te pakang te Timanem, wedad den kekemowan te netegahan tadon, aw ketenanan tadon iyan so wedà pa kesikop.