1 Korinto 13:5 - Manobo Sarangani

⁵ Kenà egpelangkaw-langkaw. Doen but din. Wedad kedemet. Kenà mebabaw se pedowan din. Kenà egmalit.

1 Korinto 13:5 ပူးပေါင်းရင်းမြစ်များ

1 Korinto 10:24

Pengkey eden se inangen te otaw, kolang se tod din aw olò sikandin se mekeontong, meneng keilangan mekeontong heman se doma otaw.

Santiago 1:19

Menge kedowa egkedekelan ko te pedowan, eneng-enengi niyo ini. Mèpiya aw megpekeaseb se kedita niyo menenalan. Mèpiya aw eked niyo sesawi se peg-ikagi. Mèpiya heman aw eked kaw tagmon keopal,

Filipos 2:21

Kedita te doma otaw dini, gayed dan eg-aneng-aneng tepad te kèpiyaan te kandan keogpà. Kenà dan eg-aneng-aneng tepad te inangen dan diyà ki Jesu Cristo.

Filipos 4:8

Nayan, menge kedowa ko, sebad mendad se ikegiyen ko kenyo. Keilangan wedad palos eneng-enengen niyo singed aw benal iyan, aw doen ontong, aw metòlid, aw wedad salà, aw ikeluba, aw mèpiya dengeg. Pengkey eden se mèpiya, aw mepakay iduyun, yan se keilangan gayed niyo eneng-enengen.

Galasya 5:13

Menge kedowa ko, tinawal kaw te Timanem amon ipelowà kaw din lekat te pegtolò niyo te punù sìyan. Pengkey wedà kaw den keallang kenyan, meneng ikà niyo den eg-aneng-aneng te mepakay aw tomaking kaw te medaet ibeg te pedowan niyo. Meneng pedekelay kaw te pedowan, aw petebangay kaw.

1 Korinto 12:25

Yan kenà egpedindilay se menge kinemoloan diyà te lawa tadon, meneng egpetebangay se kedita niyan.

1 Korinto 10:33

Peg-iling kaw kanak, so ibeg ko ketebangan se kedita te otaw. Kenà olò kenaken kèpiyaan se eg-eneng-enengen ko, meneng eg-eneng-enengen ko heman se kèpiyaan te kedita te doma otaw, so ibeg ko mekelowà dan lekat te salà.

1 Korinto 11:18

Tagnà ikegiyen ko kenyo, dinineg ko te egpedàtay kaw ekon te pedowan pengkey kidoen te simbahan niyo, aw nepuluk se pedowan ko aw benal iyan.

Mat. 5:22

Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.

Luc. 7:39

Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Mar. 3:5

Timengteng si Jesus diyà te kedita dan, aw neopal sikandin so nelidò se pedowan din tandà te kagsen te olo dan. Penga niyan, minikagi sikandin diyà te otaw nekepis se belad, “Oladi se belad nikaw.” Peg-olad din te belad din, pegketà migkèpiya iyan.

2 Tesalonika 3:7

Tapay niyo netegahan aw eden se keilangan inangen niyo amon mekeiling kaw kenami. Peg-ogpà day doton kenyo, wedà kay pegketaka.

1 Korinto 7:36

Na, aw doen otaw kidoen kenyo doen batà din laga metesan den wedà din pepengognani, aw todà meg-aneng-aneng se amay te mèpiya aw doen esawa te batà din, mepakay aw tomanen din se ibeg din sìyan. Aw mengognan se batà din, kenà iyan salà.

Mat. 9:4

Meneng netegahan i Jesus aw eden se aneng-aneng dan, aw minikagi sikandin, “Nengà lay eg-aneng-aneng kaw te medaet?

2 Timoteo 2:10

Yan se doun te egpeketayod a te kelimahan dimateng kanak amon ketebangan ko se menge otaw pinemallì te Timanem, so ibeg ko mekelowà dan heman lekat te salà pineokit te pegpemenal dan ki Jesu Cristo, aw kominawà dan heman te kaling pedowan wedad temanan.

2 Timoteo 4:16

Tagnà peg-ibing kanak doton te howis, wedad palos otaw migtabang kanak, so tinenanan a te kedita te doma ko. Meneng ibeg ko eked dan pelumuni te Timanem tepad kenyan.