1 Korinto 13:3 - Manobo Sarangani

³ Pengkey tigkan ko ibegay se kedakel te kedònan ko diyà te doma otaw, pengkey mepakay diyà kanak se pegsonog te lawa ko tandà te pegpemenal ko, meneng aw wedad kedakel te pedowan ko diyà te doma otaw, wedad ontong te peg-inang ko kenyan.

1 Korinto 13:3 ပူးပေါင်းရင်းမြစ်များ

Juan 15:13

Aw meketagad se otaw somelilin te menge sigalak din imetayan, yan se pengilala te ontò dakel se pedowan din kandan.

Mat. 23:5

Gayed dan ipekità diyà te doma otaw se pegtolò dan te menge punù amon iduyun dan. Eg-inangen dan pelaban dakel se solanan te kagi te Timanem egpengibingen dan, aw egpelasan dan se saol dan melayat amon meg-aneng-aneng se doma otaw te ontò melobos se pedowan dan diyà te Timanem.

Galasya 5:26

Keilangan eked kidon pegpelangkaw-langkaw, eked kidon pegpetompuyusay, aw eked kidon pegpeingaay.

Luc. 18:28

Minikagi si Pedro, “Meneng sikami, tinenanan day den se kedakel te kedònan day amon tomaking kay kamno.”

Menge Hebreo 13:9

Aw doen otaw megtoladà kenyo te sebad kemolò toladà kenà iling te kebenalan tapay intoladà diyà kenyo, ikà niyo egpemenal kenyan. Pineokit te tabang te Timanem, melobos se pegsalig tadon diyà kandin. Eked kelobos se pegsalig tadon diyà kandin pineokit te pegtolò tadon te menge punù ipegtoladà dan tepad te kànen tadon, so kenà egketebangan se menge otaw egtolò te menge punù sìyan.

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

Juan 12:43

Migbolon dan te pegpemenal dan, so pengkey doen ibeg dan iduyun te Timanem, meneng labi dan pa meibeg iduyun te doma otaw.

Luc. 18:22

Pegdineg i Jesus kenyan, minikagi sikandin, “Sebad mendad se keilangan inangen nikaw. Beligyai se kedakel te kedònan no, aw iteped se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegteped no te kedakel niyan, likò ka dini aw taking ka kanak.”

Ininang 21:13

Meneng minikagi si Pablo, “Ikà niyo egkelag. Ikà niyo egpemegay te lidò diyà te pedowan ko, so wedad beloyan aw iketan a doton te Jerusalem. Wedad heman beloyan aw imetayan a tandà te pegsalig ko diyà te Pengolo tadon si Jesus.”

Juan 13:37

Minikagi si Pedro, “Pengolo, nengà lay eked a den pekedoma kamno? Neketagad a den pengkey imetayan a tandà te pegtaking ko kamno.”

Juan 6:63

Timanem olò se mekebegay te kaling pedowan. Eked iyan keabat pineokit te pagod te otaw. Meneng se kebenalan intoladà ko kenyo, yan se lekat te Timanem aw mekebegay te kaling pedowan.

Luc. 19:8

Migpedapag si Sakeo diyà ki Jesus aw minikagi, “Pengolo, seini se inangen ko. Ibegay ko se ketengà te kedònan ko diyà te menge otaw nelimahan. Aw migleges a te otaw memegay kanak te kwarta, yan se lintapan ko te mekeepat.”

Filipos 2:3

Pengkey eden se inangen niyo, ikà niyo egkedemet. Ikà niyo egpelangkaw-langkaw. Meneng keilangan megpedanà kaw te kenyo pegkeotawun aw megsagman kaw te menge doma niyo.