1 Korinto 12:8 - Manobo Sarangani

⁸ Se sebad otaw, doen imbegay te Espiritu Santo kandin kebiyasa amon megtoladà te kebenalan diyà te doma otaw. Se sebad otaw, doen imbegay te Espiritu Santo kandin kebiyasa amon meg-indan-indan te toladà amon mekelabet se doma otaw.

1 Korinto 12:8 ပူးပေါင်းရင်းမြစ်များ

2 Korinto 8:7

Ontò kaw den nedengeg, so ontò kaw egpemenal te Mèpiya Indan, aw magsen kaw migtoladà, aw netaga-taga kaw te kebenalan, aw measeb kaw egtolò te Timanem, aw dakel se pedowan niyo kanak. Ibeg ko, medengeg kaw heman pineokit te pegtabang niyo diyà te doma otaw nelimahan.

1 Korinto 1:5

Lekat te pegsebad te pedowan niyo kandin lamig songkani, ontò medita se tabang din kenyo, aw yan netegahan niyo se kebenalan, aw biyasa kaw egtoladà kenyan.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

1 Korinto 13:8

Wedad temanan te kedakel te pedowan din. Doen kwani aldaw domateng te wedad komeliwat te kagi te Timanem. Megkewedad heman se peg-ikagi te doma kagi eked kelebeti. Wedad heman meg-indan-indan te toladà diyà te doma otaw amon mekelabet.

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

1 Korinto 13:2

Pengkey biyasa a egkeliwat te kagi te Timanem, pengkey doen impetaga-taga te Timanem kanak wedà din petega-tegahi diyà te doma otaw, pengkey netegahan ko se kedita te kebenalan, pengkey ontò a egsalig diyà te Timanem aw yan egpekeinang a te kepelahan, meneng aw wedad kedakel te pedowan ko diyà te doma otaw, wedad ontong kanak.

Ininang 6:3

Menge kedowa day, mèpiya aw pemellien niyo se pito meama, sìyan mèpiya otaw egbeyà-beyaan te Espiritu Santo aw ontò biyasa. Penga niyan, sikandan se meneped te togpò,

Roma 15:14

Menge kedowa ko, netegahan ko den te gayed mèpiya se eg-inangen niyo, aw tinoledaan kaw te kebenalan tepad te Timanem, aw mekebatog kaw heman megpetoledaay.

1 Korinto 2:11

Eneng-enengi niyo ini. Wedad palos otaw meketaga-taga te aneng-aneng te doma otaw, so yan olò se ketegahan din se kandin aneng-aneng. Iling heman kenyan, wedad palos otaw meketaga-taga te aneng-aneng te Timanem, so olò Espiritu Santo se egketaga-taga kenyan.

1 Korinto 2:16

Benal iyan so “Wedad palos otaw meketaga-taga te aneng-aneng te Timanem. Wedad heman otaw meketoladà kandin.” Meneng sikitadon egpemenal se pinetega-tegahan i Cristo te aneng-aneng din.

1 Korinto 14:6

Menge kedowa ko, simpana domoton a kenyo, aw olò a mikagi te kagi eked niyo kelebeti, wedad ontong niyo singed aw mikagi a te impetaga-taga te Timanem kanak, aw megpekelabet a kenyo te kebenalan, aw komeliwat a te kagi te Timanem, aw megtoladà a kenyo.

1 Korinto 14:26

Nayan menge kedowa ko, aw metipon kaw megsimba, seini se mèpiya inangen niyo. Doen megdelangan tepad te pegduyun te Timanem. Doen heman doma megtoladà. Doen heman doma meg-indan te kebenalan impekità te Timanem kandin. Se doma mikagi te kagi eked kelebeti, aw meg-obad heman se doma kenyan. Inangi niyo ini amon ketebangan se kedita niyo egtaking ki Cristo.

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

2 Korinto 2:14

Meneng ontò a egpesiontong diyà te Timanem, so sikandin se nenalo kenitadon, aw impetaking kidon din te ibeg din, aw impeakop kidon din diyà ki Cristo. Insalig te Timanem diyà kenitadon se kebenalan tepad ki Cristo amon ipetaga-taga tadon iyan diyà te kedita te otaw, so mèpiya se kebenalan tepad ki Cristo, iling te sebad metinadeg keedekan pengkey kenan.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

2 Korinto 6:6

Impekità ko te metòlid se eg-inangen ko pineokit kani. Nelobos se pedowan ko, aw netegahan ko se kebenalan, aw medalem se pedowan ko, aw egkeidowan ko se doma otaw, aw egbeyà-beyaan a te Espiritu Santo, aw ontò dakel se pedowan ko diyà te menge otaw egpemenal.

2 Korinto 11:6

Pengkey wedad nael kebiyasa ko megtoladà iling te doma otaw, meneng ontò a biyasa te kebenalan. Netegahan niyo den te ontò benal se intoladà ko kenyo.