1 Korinto 12:7 - Manobo Sarangani

⁷ Se teg sebad-sebad kenitadon, doen den kebiyasa imbegay te Espiritu Santo diyà kenitadon amon megtabang kidon te doma otaw egpemenal.

1 Korinto 12:7 ပူးပေါင်းရင်းမြစ်များ

1 Korinto 14:19

Meneng aw doen doma ko megsimba, mèpiya aw ikegiyen ko se kagi kelebetan dan amon ketoledaan ko dan. Pengkey olò lima kagi kelebetan dan se ikegiyen ko, yan se labi pa mèpiya diyà te sempolò melalan kagi ikegiyen ko eked dan kelebeti.

1 Korinto 14:12

Sikiyo heman, aw meibeg kaw te kebiyasa ibegay te Espiritu Santo, yan mèpiya aw keibegan niyo se kebiyasa meketabang te menge doma niyo egsimba.

1 Korinto 14:17

Pengkey ontò mèpiya se pegpesiontong niyo diyà te Timanem, meneng eked ketebangi se menge doma otaw.

1 Korinto 14:5

Pengkey ibeg ko mekeikagi se kedita niyo te doma kagi eked kelebeti, meneng labi pa mèpiya aw mekekeliwat kaw te kagi te Timanem amon ketebangan se doma otaw egsimba. Labi pa mèpiya se pegkeliwat te otaw te kagi te Timanem diyà te peg-ikagi te otaw te kagi eked kelebeti aw wedad otaw mekeobad te ikegiyen din.

1 Korinto 12:12

Na, se lawa te otaw, pengkey medita se kemolò diyà te lawa, meneng sebad olò se lawa, so se kedita te kinemoloan niyan netibok diyà te sebad lawa. Iling heman te menge kemolò diyà te lawa se kedita tadon egpemenal, so pengkey medita kidon, meneng migsebad kidon diyà ki Cristo.