1 Korinto 12:5 - Manobo Sarangani

⁵ Doen heman medita kemolò te inang tadon amon megpetebangay kidon, meneng sebad olò se Pengolo toloen tadon.

1 Korinto 12:5 ပူးပေါင်းရင်းမြစ်များ

Mat. 23:10

Eked heman kepakay aw gulalen kaw Amo, so sebad ko se amo niyo, sìyan Misiyas insogò te Timanem.

1 Korinto 8:6

meneng diyà kenitadon egpemenal, olò sebad se Timanem Amay. Sikandin se eglekatan te kedita aw egtekingan tadon. Sebad heman se Pengolo tadon aw yan si Jesu Cristo. Pineokit kandin, ininang te Timanem se kedita, aw pineokit kandin, mekepedapag kidon diyà te Timanem.

Filipos 2:11

So mikagi se kedita niyan te si Jesu Cristo se Pengolo te kedita dan, Aw yan iduyun dan se Timanem Amay.

Ininang 10:36

Netegahan niyo te insogò te Timanem si Jesus diyà kenami menge bowad-bowad i Israel amon megtoladà kenitadon te mèpiya indan tepad te kelinaw te pedowan ibegay din diyà te otaw memenal ki Jesu Cristo, so sikandin se Pengolo te kedita tadon.

1 Korinto 12:4

Pengkey medita se kemolò te ipegpemegay din diyà kenitadon, meneng olò sebad se egpemegay, aw yan se Espiritu Santo.

1 Korinto 12:6

Medita se kemolò te terbaho tadon, meneng sebad se Timanem egpemegay te keseg diyà te kedita tadon egterbaho.