1 Korinto 12:4 - Manobo Sarangani

⁴ Pengkey medita se kemolò te ipegpemegay din diyà kenitadon, meneng olò sebad se egpemegay, aw yan se Espiritu Santo.

1 Korinto 12:4 ပူးပေါင်းရင်းမြစ်များ

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

1 Korinto 12:28

Se kedita tadon egpemenal ki Cristo, tinapid kidon te Timanem te mèpiya, so doen eg-inangen te teg sebad-sebad kenitadon. Monà te kedita, yan se sogounun i Cristo. Se ikedowa, yan se otaw egkeliwat te kagi te Timanem. Se iketelo, yan se otaw megtoladà te kebenalan. Tondog niyan se mekeinang te metolos inang, aw otaw binegayan te kebiyasa amon megpegolì te menge mesakit, aw otaw egpenabang te doma, aw otaw biyasa egpengolo, aw otaw mekeikagi te menge doma kagi eked din kelebeti.

Menge Hebreo 2:4

Pineokit te menge kepelahan aw menge inang din metolos, impetaga-taga heman te Timanem te keseligan se kagi din ingkeliwat dan. Lekat te kandin ibeg, inteped din heman kandan se menge kemolò te kebiyasa ipegpemegay te Espiritu Santo.

Efeso 4:11

Sikandin se nemegay kenitadon te menge kinemoloan te kebiyasa amon megpetebangay kidon. Doen menge sogounun i Cristo. Doen heman menge telekeliwat te kagi te Timanem. Doen heman menge otaw egtoladà te Mèpiya Indan tepad ki Cristo. Doen heman menge otaw biyasa egpengibing aw egtoladà te menge otaw egpemenal.

1 Korinto 7:7

Pengkey ibeg ko meiling kaw peden kanak so wedad esawa ko, meneng netegahan ko te lekat te Timanem se mebatog inangen te teg sebad-sebad otaw.

1 Korinto 12:1

Nayan menge kedowa ko, ibeg ko ontò niyo kelebetan tepad te ipegpemegay te Espiritu Santo.

1 Korinto 12:5

Doen heman medita kemolò te inang tadon amon megpetebangay kidon, meneng sebad olò se Pengolo toloen tadon.