1 Korinto 11:7 - Manobo Sarangani

⁷ Se meama, eked kepakay aw tedongan se olo din aw megtawal-tawal, so yan se pengilala te ininang te Timanem se meama melangkaw diyà te kedita dini te keneyonan. Meneng se bayi, yan se keilangan megtedong te olo din aw megtawal-tawal, so yan se pengilala te egtolò se bayi te meama.

1 Korinto 11:7 ပူးပေါင်းရင်းမြစ်များ

1 Korinto 11:3

Meneng ibeg ko ketegahan niyo ini. Si Cristo, yan se olo te kedita te meama, aw se meama yan se olo te esawa din, aw se Timanem Amay yan se olo i Cristo.

Genesis 9:6

Ininang se otaw iling te Timanem, aw yan se doun te keilangan imetayan se otaw memonò te doma.

Genesis 5:1

Seini se ngadan te menge bowad-bowad i Adam. Peg-inang te Timanem te otaw, ininang din dan iling kandin.

Genesis 3:16

Minikagi se Timanem diyà te bayi, “Ontò ko dogangan se kelimahan te pegbatà nikaw. Aw tebawan ka, elegen ka. Meneng ontò ka meibeg te kamno esawa, aw mengolo sikandin diyà kamno.”

Santiago 3:9

Pineokit te dilà tadon, mekeduyun kidon te Timanem Amay. Meneng pineokit heman te dilà tadon, meketindaet kidon te doma otaw, pengkey ininang te Timanem iling kandin.

1 Korinto 11:6

so aw eked keibeg se bayi megtedong te olo doton te simbahan, yan se pengilala te eked din toloi se meama. Mèpiya beling aw domeleg sikandin megpegopit iling te bawa te meama. Meneng aw mekeyèyaay se bayi bolowen aw mebabà se logay din, yan mèpiya aw tedongan se olo din.

2 Korinto 8:23

Na, si Tito, sikandin se doma ko megtoladà kenyo. Sìyan didowa otaw domoma kandin, yan se insogò te menge doma tadon nemenal ki Cristo. Iduyun tadon si Cristo pineokit te inang dan.