1 Korinto 11:30 - Manobo Sarangani

³⁰ Yan se doun te nesekitan se medita doton kenyo, aw migkelomay, aw doen heman nematay.

1 Korinto 11:30 ပူးပေါင်းရင်းမြစ်များ

Impekità 3:19

Se kedita te otaw nedekelan ko te pedowan, yan se gayed ko egsegdahen, aw egtoledaan ko dan heman. Yan keilangan measeb kaw aw megselsel kaw, amon eked ko sikiyo pelumuni.

1 Tesalonika 4:14

Egpemenal kidon te nematay si Jesus, aw neantay heman sikandin lekat te nematay, aw yan egpemenal kidon te entayen heman te Timanem se kedita te otaw tapay nemenal ki Jesus te wedà dan pa kematay amon megdoma dan kandin.

1 Korinto 15:51

Nayan, ikegiyen ko den kenyo se kebenalan wedà pa petega-tegahi te Timanem. Eked kematay se kedita tadon, meneng tigbayà se lawa tadon keselilinan te kaling lawa.

1 Korinto 11:32

Meneng aw impelumun kidon den te Pengolo, mèpiya iyan, so yan se toladà din kenitadon te keilangan tomolò kidon kandin, amon eked kidon pekeakop te pelumun din te modi aldaw diyà te otaw kenà egpemenal.

Ininang 13:36

Gebii, timolò si David te Timanem lamig te pegkematay din, aw penga niyan inlebeng sikandin sipat te kemonaan din aw neledak se lawa din.

Ininang 7:60

Penga niyan, limongken si Esteban aw timawal te dakel se kagi din, “E Pengolo, ikà egpelumun kandan te salà ininang dan kanak.” Penga niyan, nematay.

1 Korinto 11:29

Aw doen otaw makop komaen aw minem, aw eked din eneng-enengi te yan se pengilala te pegkematay te Pengolo, yan se otaw mekekinawà te pelumun lekat te pegkaen din aw peg-inem.

1 Korinto 11:31

Meneng aw onà tadon ehaen se kenitadon pedowan aw melobos te eked kidon pa kaen, yan eked kidon pelumuni.