1 Korinto 11:2 - Manobo Sarangani

² Na, mèpiya se ininang niyo, so gayed a niyo egkeeneng-enengan, aw egtekingan niyo heman se ketanem intoladà ko kenyo.

1 Korinto 11:2 ပူးပေါင်းရင်းမြစ်များ

2 Tesalonika 2:15

Yan menge kedowa day, ikà niyo egdowa-dowa te pegsalig niyo ki Cristo, aw ikà niyo egsoway lekat te menge kebenalan intoladà day kenyo te peg-ogpà day doton kenyo kedengan aw pineokit heman te pegsolat day kenyo.

1 Korinto 4:17

Yan insogò ko si Timoteo doton kenyo. Iling sikandin te batà ko egkedekelan ko te pedowan, aw egkeseligan sikandin te pegtaking din te Pengolo tadon. Ipeaneng-aneng kaw din te eg-inangen ko te pegtaking ko ki Jesu Cristo, aw yan se ipegtoladà ko doton te kedita te simbahan pengkey kenan a pesalo.

2 Tesalonika 3:6

Menge kedowa day, seini se ipunù day kenyo pineokit te ngadan te Pengolo tadon si Jesu Cristo. Aw tekahen se otaw egpemenal aw kenà egtolò te impunù day kenyo, ikà niyo egdoma kandin.

1 Korinto 15:2

Aw dimasel se pegpemenal niyo, aw nelobos se pedowan niyo, nekelowà kaw den lekat te salà pineokit te pegpemenal niyo te kebenalan intoladà ko kenyo.

1 Korinto 11:22

Medaet se eg-inangen niyo. Aw olò kànen se ibeg niyo, labi pa mèpiya aw komaen kaw doton te kenyo balay, amon eked keyàyà se doma otaw egpemenal wedad kànen. Eked a duyun te eg-inangen niyo sìyan, so ontò iyan medaet diyà te Timanem.

1 Korinto 11:17

Na, tepad te modi pegtoladà ko kenyo, eked ko sikiyo duyuni, so medaet se eg-inangen niyo. Pegtipon niyo te pegsimba, doen egpekebelabag te pegkinawà niyo te mèpiya.

Luc. 1:6

Sìyan teleesawa, ontò dan nelubahan te Timanem so metòlid se eg-inangen dan. Wedad palos otaw mekesila kandan so ontò dan egtolò te menge punù te Pengolo.

1 Tesalonika 3:6

Meneng neluba kay den so minolì den si Timoteo dini kenami lekat kenyo, aw mèpiya se in-indan din kenami tepad te pegtaking niyo te Timanem aw pegpedekelay niyo te pedowan. Minikagi heman sikandin te mèpiya se aneng-aneng niyo tepad kenami, aw dimela kaw heman kenami onawa te pegdela day kenyo.

1 Korinto 7:17

Keilangan tomaking se teg sebad-sebad kenitadon te ibeg te Pengolo tadon, aw tomayod kidon heman te keogpà te pegpenenalan tadon te tawal te Timanem. Yan se ipegpunù ko diyà te kedita te otaw egpemenal.

1 Tesalonika 1:6

Netegahan day te pinemallì kaw te Timanem so neinang kaw iling kenami aw iling heman te Pengolo tadon. Pengkey pinemilang kaw tandà te pegpemenal niyo te kagi te Timanem, meneng binegayan kaw te Espiritu Santo te keluba te pedowan niyo.