1 Korinto 11:1 - Manobo Sarangani

¹ Taking kaw kanak, so si Cristo se egtekingan ko.

1 Korinto 11:1 ပူးပေါင်းရင်းမြစ်များ

Filipos 3:17

Menge kedowa ko, ibeg ko meg-iling se kedita niyo kanak. Sikami se gegonan niyo, aw keilangan peg-ilingan niyo se menge otaw mig-iling kenami.

1 Tesalonika 1:6

Netegahan day te pinemallì kaw te Timanem so neinang kaw iling kenami aw iling heman te Pengolo tadon. Pengkey pinemilang kaw tandà te pegpemenal niyo te kagi te Timanem, meneng binegayan kaw te Espiritu Santo te keluba te pedowan niyo.

1 Korinto 4:16

Se punù ko kenyo, peg-ilingi niyo se eg-inangen ko.

Menge Hebreo 6:12

Ibeg day, eked kaw pegkelomay te pegpemenal. Meneng keilangan meg-iling kaw te menge otaw gayed egsalig diyà te Timanem aw medalem se pedowan dan lamig te pegkinawà dan te impakang din kandan.

2 Tesalonika 3:9

Migterbaho kay kenà te eked kepakay aw togpoan kay niyo, meneng amon meinang kay gegonan peg-ilingan niyo.

1 Korinto 10:33

Peg-iling kaw kanak, so ibeg ko ketebangan se kedita te otaw. Kenà olò kenaken kèpiyaan se eg-eneng-enengen ko, meneng eg-eneng-enengen ko heman se kèpiyaan te kedita te doma otaw, so ibeg ko mekelowà dan lekat te salà.